၁ ပ့းတရူး 5:1 - Sgaw Karen Common Bible

¹ ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ပ့းတရူး 5:1 Iomraidhean Croise

လံာ်လူၤကၣ် 24:48

ဘၣ်ဃးဒီးတၢ်သ့ၣ်တဖၣ်အံၤအဂ့ၢ်န့ၣ်, သုမ့ၢ်ပှၤအုၣ်အသးတဖၣ်လီၤ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 15:4

ဖဲအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်န့ၣ်, ဘၣ်တၢ်တူၢ်လိာ်ခီၣ်ဆၢအီၤလၢတၢ်အိၣ်ဖှိၣ်ဖိ, ပှၤတၢ်မၢဖိ, ဒီးပှၤသူၣ်က့သးပှၢ်တဖၣ်, ဒီးစံးဘၣ်တဲဘၣ်အဝဲသ့ၣ်ဘၣ်ဃးဒီး တၢ်ခဲလၢာ်လၢကစၢ်ယွၤမၤဝဲခီဖျိအဝဲသ့ၣ်န့ၣ်လီၤ.

မၤတၢ် 15:6

ပှၤတၢ်မၢဖိဒီးပှၤသူၣ်က့သးပှၢ်တဖၣ်အိၣ်ဖှိၣ်ဒ်သိးအကကွၢ် ဆိကမိၣ်သကိးဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 20:17

ဖဲဝ့ၢ်မံလ့ၤတူးန့ၣ်, စီၤပီလူးဆှၢလီၤတၢ်ကစီၣ်ဆူဝ့ၢ်အ့းဖ့းစူး ဒီးမၢတၢ်အိၣ်ဖှိၣ်အပှၤသူၣ်က့သးပှၢ်တဖၣ်ဟဲထံၣ်အီၤလီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 21:18

မုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဒ်သိးအကအိၣ်သကိး စီၤယၤကိာ်, ဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်အိၣ်ဝဲဖဲန့ၣ် ကိးဂၤဒဲးလီၤ.

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

၂ ကရံၣ်သူး 5:8

ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.

၁ တံၤမသ့း 5:1

တဘၣ်ဒူပှၤလၢအသးပှၢ်န့ၢ်နၤအလိၤတဂ့ၤ. မ့မ့ၢ်ဃ့ကညးအီၤဒ် နကဃ့ကညးနပၢ်အသိးန့ၣ်တက့ၢ်. ပာ်ပှၤလၢအသးစၢ်န့ၢ်နၤဒ်နဒီပုၢ်ဝဲၢ်တဖၣ်အသိး,

၁ တံၤမသ့း 5:19

တၢ်ပာ်တၢ်ကမၣ်လၢပှၤသူၣ်က့သးပှၢ်တဂၤဂၤအလိၤန့ၣ်, ပှၤအုၣ်အသးခံဂၤ, မ့တမ့ၢ်, သၢဂၤမ့ၢ်တအိၣ်ဘၣ်ဒီး, တဘၣ်ကနၣ်ဃုာ်တဂ့ၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

၂ ယိၤဟၣ် 1:1

လၢပှၤသးပှၢ်, ဆူတူၢ်ဒိၣ်မုၣ်လၢအဘၣ်တၢ်ဃုထၢအီၤဒီးအဖိအလံၤတဖၣ် အအိၣ်, ပှၤလၢယအဲၣ်အီၤလၢတၢ်အဲၣ်နီၢ်နီၢ်ဒီးတမ့ၢ်ထဲ ယၤတဂၤဧိၤဘၣ်, မ့မ့ၢ်ပှၤခဲလၢာ်လၢအသ့ၣ်ညါတၢ်မ့ၢ် တၢ်တီန့ၣ်အဲၣ်ဘၣ်နၤ,

၃ ယိၤဟၣ် 1:1

လၢပှၤသးပှၢ်, ဆူစီၤကါယူးသးဘိ, ပှၤလၢယအဲၣ်ဘၣ်အီၤလၢတၢ်အဲၣ်နီၢ်နီၢ် တဂၤအအိၣ်,

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.