၁ ပ့းတရူး 4:8 - Sgaw Karen Common Bible

⁸ လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

၁ ပ့းတရူး 4:8 Iomraidhean Croise

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 17:9

နမ့ၢ်အဲၣ်ဒိးပှၤဘၣ်အသးလၢနၤဒီးဖဲအမၤကမၣ်နၤန့ၣ်ပျၢ် အတၢ်ကမၣ်တက့ၢ်. တၢ်သ့ၣ်နီၣ်ထီၣ်တၢ်ကမၣ်တဖၣ်န့ၣ်, မၤလီၤဖးတၢ်ဒီတံၤဒီသကိးသ့ဝဲလီၤ.

တၢ်ကတိၤဒိ. 18:13

တချုးနစံးဆၢဒံးတၢ်ဒီး, ဒိကနၣ်တၢ်တက့ၢ်. နမ့ၢ်တမၤဒ်န့ၣ်ဘၣ်ဒီးနမ့ၢ်ဒၣ်ပှၤလၢအသးတဆးဒီးဒုၣ်ဒွဲၣ်ပှၤ ဂၤန့ၣ်လီၤ.

1 ကရံၣ်သူး 13:1

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

1 ကရံၣ်သူး 13:4

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်.

ကလီးစဲ 3:14

လၢတၢ်ခဲလၢာ်အဖီခိၣ်န့ၣ်, ပာ်ဖှိၣ်အါထီၣ်တၢ်အဲၣ်တၢ်ကွံလၢ အမ့ၢ်တၢ်လၢအစၢဖှိၣ်ဒီးဒုးကဲထီၣ်တၢ်ခဲလၢာ်လၢတၢ်တမံၤဃီ လၢလၢပှဲၤပှဲၤန့ၣ်တက့ၢ်.

၁ သ့းစၤလနံ 3:12

မ်ကစၢ်ယွၤမၤစၢၤသုဒ်သိးသုတၢ်အဲၣ်လိာ်သုသးဒီးသုတၢ် အဲၣ်ပှၤခဲလၢာ်ကအါထီၣ်န့ၢ်အလီၢ်တုၤအဒိၣ်ထဲသိးဒီးပတၢ် အဲၣ်သုအံၤန့ၣ်တက့ၢ်.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

ဧ့ၤဘြံၤ 13:1

တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

ယၤကိာ် 5:12

ယဒီပုၢ်ဝဲၢ်သ့ၣ်ဧၢ, လၢတၢ်ခဲလၢာ်အဖီခိၣ်တဘၣ်သူတၢ်ဆိၣ်လီၤ သုသးဖဲသုအၢၣ်လီၤတၢ်တမံၤမံၤအခါန့ၣ်တဂ့ၤ. တဘၣ်ဆိၣ်လီၤသုသးလၢမူခိၣ်မ့တမ့ၢ်ဟီၣ်ခိၣ်, မ့တမ့ၢ်တၢ်အဂၤတမံၤမံၤအမဲာ်ညါန့ၣ်တဂ့ၤ. တၢ်မ့မ့ၢ်ဘၣ်နၤဒီးစံး “မ့ၢ်” ဒီးတၢ်မ့တမ့ၢ်ဘၣ်နၤဒီးစံး “တမ့ၢ်ဘၣ်” န့ၣ်တက့ၢ်. အန့ၣ်ဒီးကစၢ်ယွၤအတၢ်စံၣ်ညီၣ်တလီၤဘၣ်သုန့ၣ်ဘၣ်လီၤ.

ယၤကိာ် 5:20

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤဂ့ၤတဂၤဂ့ၤလၢအဃၣ်လိၤက့ၤပှၤတၢ်ဒဲးဘးဖိလၢ အပိာ်တ့ၢ်ကျဲလၢအကမၣ်တဂၤန့ၣ်, ကအုၣ်က့ၤခီၣ်က့ၤပှၤတဂၤအံၤအသးသမူလၢတၢ်သံ, ဒီးတၢ်ဒဲးဘးအါမံၤကဘၣ်တၢ်ပျၢ်ကွံာ်အီၤလၢတၢ်အံၤ အဃိလီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၃ ယိၤဟၣ် 1:2

ယတံၤသကိးသးဘိဧၢ, ယဘါထုကဖၣ်ဒ်သိးတၢ်ခဲလၢာ်ခဲဆ့ ကလဲၤအသးဂ့ၤဂ့ၤဘၣ်ဘၣ်လၢနဂီၢ်, ဒီးလၢနနီၢ်ခိအတၢ်အိၣ်ဆူၣ်အိၣ်ချ့ကဂ့ၤဝဲ, ဒ်ယသ့ၣ်ညါလၢနတၢ်အိၣ်ဆူၣ်အိၣ်ချ့လၢသူၣ်လၢသးဂ့ၤဝဲ အသိးန့ၣ်လီၤ.