၁ ပ့းတရူး 4:7 - Sgaw Karen Common Bible

⁷ တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

၁ ပ့းတရူး 4:7 Iomraidhean Croise

လံာ်တၢ်ကဲထီၣ်အခီၣ်ထံး 19:35

ဒီးလၢမုၢ်နၤတနၤန့ၣ်အဝဲသ့ၣ်ဒုးအီမူၤအီၤလၢစပံးထံဒီး အဖိမုၣ်အဆံးတဂၤမံဂုာ်ဂဲၤဃုာ်ဒီးအပၢ်န့ၣ်လီၤ. မၤကဒီးတစု, အဝဲမူၤဝဲတုၤဒၣ်လဲာ်တသ့ၣ်ညါတၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 6:13

ဒီးကစၢ်ယွၤစံးဘၣ်စီၤနိအၤ, “ယပာ်လီၤလံယသးလၢယကမၤဟးဂီၤ ကွံာ်ကယဲၢ်ပှၤဟီၣ်ခိၣ်ဖိခဲလၢာ်န့ၣ်လီၤ. ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့လီၤ. အဂ့ၢ်ဒ်အံၤ, ဟီၣ်ခိၣ်အံၤပှဲၤဝဲဒီးအဝဲသ့ၣ်အစုဆူၣ်ခီၣ်တကးအတၢ်မၤ တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:2

တၢ်လဲၤဆူဟံၣ်တဖျၢၣ်ဖဲတၢ်သူၣ်အုးသးအုးအိၣ်ဝဲန့ၣ်, ဂ့ၤဒိၣ်န့ၢ်ဒံးတၢ်လဲၤဆူတၢ်အီၣ်သကိးအီသကိးတၢ်အဟံၣ်တက့ၢ် န့ၣ်လီၤ. အဂ့ၢ်ဒ်အံၤ, ပှၤအမူတဖၣ်ကြၢးမၤသ့ၣ်နီၣ်အသးထီဘိလၢတၢ်သံ အိၣ်ခိးပာ်ပဝဲခဲလၢာ်န့ၣ်လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယဃ့းစက့လး 7:6

တၢ်မၤအသးဝံၤခဲလၢာ်လံ. တၢ်အံၤမ့ၢ်တၢ်အကတၢၢ်န့ၣ်လီၤ. နဝံၤတၢ်လၢာ်လံ.

လံာ်မးသဲ 24:42

လၢတၢ်န့ၣ်အဃိ, ဆိးသီတက့ၢ်. အဂ့ၢ်ဒ်အံၤ, သုကစၢ်ကဟဲဝဲအနံၤအသီန့ၣ်သုတသ့ၣ်ညါဘၣ်.

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်လူၤကၣ် 22:46

ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုမံလဲၣ်. ဂဲၤဆၢထၢၣ်ဒီးဃ့ဘါထုကဖၣ်ဒ်သိး သုသုတလီၤနုာ်ဆူတၢ်လ့ပစီအပူၤတဂ့ၤန့ၣ်တက့ၢ်.”

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

1 ကရံၣ်သူး 15:24

အန့ၣ်ဝံၤဒီး, တၢ်အကတၢၢ်ကတုၤဃီၤဝဲဒၣ်လီၤ. ခရံာ်ကမၤနၢၤကွံာ်ပှၤပၢတၢ်ပြးတၢ်လၢနီၢ်သးတကပၤခဲလၢာ်, တၢ်ခိၣ်တၢ်နၢ်, ဒီးတၢ်စိတၢ်ကမီၤခဲလၢာ်ခဲဆ့ဒီးကဟ့ၣ်လီၤ က့ၤဘီမုၢ်ဆူပၢ်ကစၢ်ယွၤအစုပူၤန့ၣ်လီၤ.

1 ကရံၣ်သူး 7:29

တၢ်လၢယသးအိၣ်စံးယဲန့ၣ်, ယဒီပုၢ်ဝဲၢ်သ့ၣ်ဧၢ, မ့ၢ်ဒ်အံၤလီၤ. တၢ်ဆၢကတီၢ်တအိၣ်တ့ၢ်အါကဲၣ်ဆိးဘၣ်. ဒီးစးထီၣ်ခဲအံၤဒီး ဆူညါန့ၣ်, ပှၤပိာ်ခွါလၢအမါအိၣ်တဖၣ်ကြၢးအိၣ်ဝဲဒ်အမါ တအိၣ်ဘၣ်အသိး,

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

ကလီးစဲ 4:2

ဘါထုကဖၣ်ယွၤသပှၢ်ပှၢ်ထီဘိတက့ၢ်. ပာ်သုသးစၢၢ်ဆၢပံၢ်ကလာ်လၢတၢ်ထုကဖၣ်အပူၤအိၣ်ဒီးတၢ်စံးဘျုးစံးဖှိၣ်ကစၢ်ယွၤ တက့ၢ်.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

တံတူး 2:12

တၢ်ဘျုးတၢ်ဖှိၣ်အဝဲန့ၣ်, သိၣ်လိပှၤလၢပကညိကွံာ်တၢ်တယူးတယီၣ်ယွၤ အတၢ်အိၣ်မူဒီးဟီၣ်ခိၣ်အတၢ်သူၣ်လီသးကွံတဖၣ်, ဒီးအိၣ်မူလၢတၢ်ပၢၤသူၣ်ပၢၤသး, အိၣ်မူတီတီလိၤလိၤ, ဒီးအိၣ်မူယူးယီၣ်ယွၤလၢဟီၣ်ခိၣ်အံၤအပူၤ,

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”