၁ ပ့းတရူး 4:6 - Sgaw Karen Common Bible

⁶ လၢတၢ်န့ၣ်အဃိ, တၢ်သးခုကစီၣ်ဘၣ်တၢ်စံၣ်တဲၤတဲလီၤအီၤစ့ၢ်ကီးလၢပှၤသံ အဂီၢ်, ပှၤတဖၣ်လၢတၢ်စံၣ်ညီၣ်တ့ၢ်လံအီၤလၢအဝဲသ့ၣ် အတၢ်အိၣ်မူနီၢ်ခိနီၢ်ခီအပူၤဒ်ပှၤတဂၤလၢ်လၢ်ဘၣ်တၢ် စံၣ်ညီၣ်တ့ၢ်လံအီၤအသိးန့ၣ်လီၤ. တၢ်စံၣ်တဲၤတဲလီၤန့ၢ်အဝဲသ့ၣ်ဒ်သိးလၢအဝဲသ့ၣ် အတၢ်အိၣ်မူလၢသူၣ်လၢသးအပူၤ, အဝဲသ့ၣ်ကအိၣ်မူဝဲဒ်ယွၤအိၣ်မူဝဲအသိးအဂီၢ်န့ၣ်လီၤ.

၁ ပ့းတရူး 4:6 Iomraidhean Croise

လံာ်မးသဲ 24:9

တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 5:25

ယွၤအသးဟ့ၣ်ပှၤတၢ်မူဒီးပကဘၣ်ပျဲအဝဲဒၣ်ပၢပတၢ်အိၣ်မူ တဖၣ်စ့ၢ်ကီးလီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ပ့းတရူး 3:19

ဒီးလၢအတၢ်မူလၢသူၣ်လၢသးအပူၤန့ၣ်, အဝဲလဲၤဒီးစံၣ်တဲၤတဲလီၤတၢ်လၢသးတဖၣ်လၢအဘၣ်တၢ်ဒုးဃာ် အီၤလၢဃိာ်ပူၤန့ၣ်လီၤ.

လံာ်လီၣ်ဖျါ 14:18

တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”