၁ ပ့းတရူး 4:4 - Sgaw Karen Common Bible

⁴ သတးဒီးခဲအံၤ, ပှၤတသ့ၣ်ညါယွၤတဖၣ်ကမၢကမၣ်ဝဲဒၣ်လၢ သုတမၤဃုာ်ဒီးအဝဲသ့ၣ်လၢအတၢ်အိၣ်မူအရၢၢ်အစၢၢ်, ဒီးအတၢ်တပလီၢ်အသးအပူၤ, ဒီးလၢတၢ်န့ၣ်အဃိအဝဲသ့ၣ်ဒုၣ်ဒွဲၣ်စံးအၢသုန့ၣ်လီၤ.

၁ ပ့းတရူး 4:4 Iomraidhean Croise

လံာ်မးသဲ 23:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုသ့စီသုလီခီ တဖၣ်အချၢ, ဘၣ်ဆၣ်လီခီတဖၣ်အပူၤတခီအိၣ်ပှဲၤဒီး တၢ်လၢသုမၤန့ၢ်အီၤလၢတၢ်စုဆူၣ်ခီၣ်တကး, ဒီးတၢ်အဲၣ်လီၤသုသးအပူၤန့ၣ်လီၤ.

လံာ်လူၤကၣ် 15:13

စှၤသီအလီၢ်ခံန့ၣ်, ဖိခွါလၢအသးစၢ်တဂၤဆါကွံာ်အတၢ်စုလီၢ်ခီၣ်ခိၣ် လၢအန့ၢ်ဘၣ်သါဝဲတဖၣ်, ဒီးစိာ်ထီၣ်စ့လၢအဒိးန့ၢ်ဝဲဒီးဟးထီၣ်ကွံာ်လၢအဟံၣ်လီၤ. အဝဲဒၣ်လဲၤဆူထံကီၢ်လၢအစီၤစုၤယံၤတဘ့ၣ်, ဒီးဖဲန့ၣ်အဝဲဒၣ်မၤလၢာ်ဂီၤကွံာ်အကျိၣ်အစ့လၢတၢ်လုၣ်ကိလုၣ် ကပာ်အပူၤလီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၂ ပ့းတရူး 2:12

မ့မ့ၢ်ပှၤသ့ၣ်တဖၣ်အံၤမၤတၢ်လၢတၢ်တဆိကမိၣ်ဆိကမး အပူၤဒ်ဆၣ်ဖိကီၢ်ဖိအရၢၢ်တဖၣ်လၢအဘၣ်တၢ်ဖှံလီၤအီၤလၢ တၢ်ကဖီၣ်န့ၢ်ဒီးမၤသံအီၤအဂီၢ်အသိးန့ၣ်လီၤ. အဝဲသ့ၣ်ကတိၤဒုၣ်ဒွဲၣ်စံးအၢတၢ်လၢအတနၢ်ပၢၢ်ဝဲတဖၣ်န့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဒ်ဆၣ်ဖိကီၢ်ဖိအရၢၢ်တဖၣ် အသိး,

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.

ယူဒၤ 1:10

ဘၣ်ဆၣ်ဒီးပှၤသ့ၣ်တဖၣ်အံၤကတိၤဒုၣ်ဒွဲၣ်ထီဒါတၢ် တမံၤလၢ်လၢ်လၢအဝဲသ့ၣ်တနၢ်ပၢၢ်ဝဲန့ၣ်လီၤ. ဒီးတၢ်တဖၣ်လၢအသ့ၣ်ညါဝဲခီဖျိတၢ်သ့ၣ်ညါလၢန့ဆၢၣ်ဟ့ၣ်အီၤ, ဒ်ဆၣ်ဖိကီၢ်ဖိအမံၤတဖၣ်အသိးန့ၣ်, မ့ၢ်တၢ်သ့ၣ်တဖၣ်လၢအမၤဟးဂီၤအဝဲသ့ၣ်န့ၣ်လီၤ.