၁ ပ့းတရူး 4:19 - Sgaw Karen Common Bible

¹⁹ လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.

၁ ပ့းတရူး 4:19 Iomraidhean Croise

စံးထီၣ်ပတြၢၤ 138:8

ယွၤကမၤလၢပှဲၤအတၢ်တိာ်ပာ်ခဲလၢာ်လၢယဂီၢ်န့ၣ်လီၤ. ယွၤဧၢ, နတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ. မ်နသုတလဲၤသဒၣ်နစုအတၢ်မၤန့ၣ်တဂ့ၤ.

စံးထီၣ်ပတြၢၤ 31:5

ယွၤ, ကစၢ်ယွၤလၢအမ့ၢ်အတီတဂၤဧၢ, ယဟ့ၣ်လီၤယသးလၢနစုပူၤလီၤ. အဂ့ၢ်ဒ်အံၤ, နပှ့ၤက့ၤလံယၤလံ.

စံးထီၣ်ပတြၢၤ 37:5

ဟ့ၣ်လီၤနသးလၢယွၤ, နာ်အီၤဒီးအဝဲကမၤစၢၤနၤလီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်လူၤကၣ် 23:46

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.

၁ ပ့းတရူး 3:17

အဂ့ၢ်ဒ်လဲၣ်န့ၣ်, တၢ်အံၤမ့မ့ၢ်ကစၢ်ယွၤအတၢ်ဘၣ်အသး ဒီး, ပဘၣ်တၢ်နးတၢ်ဖှီၣ်လၢပမၤတၢ်ဂ့ၤအဃိန့ၣ်, ဂ့ၤန့ၢ်ပဘၣ်တၢ်လၢပမၤတၢ်အၢအဃိတက့ၢ်န့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,