၁ ပ့းတရူး 4:18 - Sgaw Karen Common Bible

¹⁸ ဒ်တၢ်ကွဲးအသးစံးဝဲအသိး, “ပှၤဂ့ၤပှၤဝါတဖၣ်ကတုၤလၢ တၢ်အုၣ်က့ၤခီၣ်က့ၤအဂီၢ်မ့မ့ၢ်တၢ်အကီဒီး, ပှၤတၢ်ဒဲးဘးဖိလၢအကစၢ်ယွၤတအိၣ်တဖၣ် တၢ်ကမၤအသးဒီးအီၤဒ်လဲၣ်” (ကူၣ်သ့ ၁၁:၃၁).

၁ ပ့းတရူး 4:18 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

တၢ်ကတိၤဒိ. 11:31

ပှၤလၢအဂ့ၤတဖၣ်ဘၣ်တၢ်ဟ့ၣ်ဘျုးအီၤဖဲအံၤလၢဟီၣ်ခိၣ်ချၢလီၤ. မၤသးဒ်န့ၣ်ဒီးနာ်သပှၢ်တၢၢ်လၢပှၤတတီတလိၤဒီးပှၤတၢ်ဒဲးဘးဖိ တဖၣ်ကဘၣ်တၢ်စံၣ်ညီၣ်အီၤန့ၣ်တက့ၢ်.

လံာ်ယံးရမံယၤ 25:29

ယကစးထီၣ် ယတၢ်မၤဟးဂီၤတၢ်အံၤလၢ ယဝ့ၢ်ဒၣ်ယဲအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢ ကပူၤဖျဲးဒီး တၢ်စံၣ်ညီၣ်န့ၣ်ဧါ. တပူၤဖျဲးဘၣ်. အဝဲသ့ၣ်ကဘၣ်တၢ်စံၣ်ညီၣ်အီၤ, မ့ၢ်လၢယကဒုးအိၣ်ထီၣ်တၢ်ဒုးတၢ်ယၤလၢပှၤဂီၢ်မုၢ်လၢ အအိၣ်လၢ ဟီၣ်ခိၣ်ချၢခဲလၢာ်အကျါအဃိန့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံ.”

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်လူၤကၣ် 15:1

တနံၤန့ၣ်, ပှၤဃ့သွဲအါဒံအါဂၤဒီးပှၤတၢ်ဒဲးဘးဖိတဖၣ်ဟဲဒ်သိး အကဒိကနၣ်ယ့ၣ်ၡူးအတၢ်စံးတၢ်ကတိၤအဂီၢ်လီၤ.

လံာ်လူၤကၣ် 23:31

အဂ့ၢ်ဒ်အံၤ, တၢ်မ့ၢ်မၤအသးလၢသ့ၣ်သံကစဲာ်အခါဒ်အံၤဒီး ဖဲသ့ၣ်ဃ့ထီအခါတၢ်ကမၤသးဒ်လဲၣ်.”

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

1 ကရံၣ်သူး 10:12

ပှၤတဂၤလၢ်လၢ်လၢအဆိကမိၣ်အဆၢထၢၣ်ဝဲကျၢၤကျၢၤန့ၣ်, ကြၢးပလီၢ်ပဒီအသးဒ်သိးအသုတလီၤဃံၤတဂ့ၤအဂီၢ်န့ၣ်လီၤ.

၁ တံၤမသ့း 1:9

ပကဘၣ်သ့ၣ်နီၣ်ထီၣ်က့ၤလၢတၢ်သိၣ်တၢ်သီတဖၣ်ဘၣ်တၢ် ဒုးအိၣ်ထီၣ်အီၤတမ့ၢ်လၢပှၤအဂ့ၤအဝါတဖၣ်အဂီၢ်ဘၣ်. မ့မ့ၢ်တခီ, မ့ၢ်လၢပှၤမၤကမၣ်တၢ်သိၣ်တၢ်သီတဖၣ်, ပှၤအၢပှၤသီတဖၣ်, ပှၤတယူးတယီၣ်ယွၤဒီးမၤတၢ်ဒဲးဘးတဖၣ်, ပှၤလၢအတၢ် အဲၣ်ထူအဲၣ်ယွၤမ့ၢ်ဂ့ၤ, တၢ်အိၣ်မူလၢသူၣ်လၢသးမ့ၢ်ဂ့ၤ တအိၣ်ဘၣ်တဖၣ်, ပှၤလၢအမၤသံအပၢ်မ့တမ့ၢ်အမိၢ် တဖၣ်, ပှၤလၢအမၤသံပှၤကညီတဖၣ်,

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

ယူဒၤ 1:15

ဒ်သိးအကစံၣ်ညီၣ်ပှၤခဲလၢာ်, ဒီးကစံၣ်ညီၣ်ဃၣ်ပှၤတယူးတယီၣ်ယွၤခဲလၢာ်လၢအတၢ်မၤ တဖၣ်လၢအမၤတ့ၢ်ဝဲအဃိ, ဒီးပှၤတၢ်ဒဲးဘးဖိလၢအတယူးတယီၣ်ယွၤတဖၣ်လၢအတၢ် ကတိၤအအၢအသီတဖၣ်လၢအကတိၤတ့ၢ်ဝဲထီဒါယွၤအဃိ န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:18

ဒီးအဝဲဆှၢထီၣ်နၤဃုာ်ဒီးတၢ်မၤလိာ်တဖၣ်လၢနကမၤဟးဂီၤကွံာ် ကီၢ်ဧမၤလ့းအပှၤဂီၢ်မုၢ်လၢအအၢအသီတဖၣ်န့ၣ်လီၤ. အဝဲစံးတ့ၢ်နၤလၢနကဒုးတၢ်တုၤနမၤသံကွံာ်အဝဲသ့ၣ်ကိးဂၤဒဲးလီၤ.