၁ ပ့းတရူး 4:14 - Sgaw Karen Common Bible

¹⁴ သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

၁ ပ့းတရူး 4:14 Iomraidhean Croise

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 49:9

ကတြီဃာ်အီၤလၢတၢ်သံမ့ၢ်ဂ့ၤ, ကပျဲဒုးမူအီၤလီၤစိၤမ့ၢ်ဂ့ၤန့ၣ်ဘၣ်.

စံးထီၣ်ပတြၢၤ 89:51

ယွၤဧၢ, နဒုၣ်နဒါတဖၣ်ဒုၣ်ဒွဲၣ်စီၤပၤလၢနဃုထၢအီၤလီၤ. အဝဲသ့ၣ်ဒုၣ်ဒွဲၣ်အီၤဖဲ အလဲၤတၢ်တပူၤလၢ်လၢ်န့ၣ်လီၤ.

လံာ်ယၡါယၤ 11:2

ယွၤအသးကဟ့ၣ်အီၤတၢ်ကူၣ်သ့, ဒီးတၢ်သ့ၣ်ညါဒီးတၢ်သ့တၢ်ဘၣ်လၢကပၢအပှၤဂီၢ်မုၢ်အဂီၢ်လီၤ. အဝဲကသ့ၣ်ညါယွၤအတၢ်ဘၣ် အသးဒီးကအိၣ်ဒီးတၢ်ယူးယီၣ်ပျံၤအီၤ,

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

လံာ်ယိၤဟၣ် 9:28

အဝဲသ့ၣ်ကတိၤဒုၣ်ဒွဲၣ်အီၤဒီးစံး, “နမ့ၢ်ပှၤအဝဲန့ၣ်အပျဲၢ်အဘီၣ်လီၤ. မ့မ့ၢ်ပဝဲပမ့ၢ်စီၤမိၤၡ့အပျဲၢ်အဘီၣ်တဖၣ်န့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 28:22

ဘၣ်ဆၣ်ဒီး ပအဲၣ်ဒိးနၢ်ဟူဘၣ်နတၢ်ဆိကမိၣ်တဖၣ်လီၤ. အဂ့ၢ်ဒ်အံၤ, ပသ့ၣ်ညါပဝဲလၢတၢ်လီၢ်ကိးပူၤဒဲးန့ၣ်, ပှၤကတိၤထီဒါပှၤတကရၢလၢနဘၣ်ထွဲဒီးအီၤတဖုအံၤန့ၣ်လီၤ.”

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

၂ ကရံၣ်သူး 12:10

ယသူၣ်မံယသးမံယဲလၢတၢ်ဂံၢ်စၢ်ဘါစၢ်တဖၣ်, တၢ်ကတိၤဒုၣ်ဒွဲၣ်ကတိၤတရီတပါတဖၣ်, တၢ်နးတၢ်ဖှီၣ် တဖၣ်, တၢ်မၤအၢမၤနးတဖၣ်ဒီးတၢ်ကီတၢ်ခဲတဖၣ်အပူၤလၢ ခရံာ်အဃိန့ၣ်လီၤ. အဂ့ၢ်ဒ်အံၤ, ဖဲယဂံၢ်စၢ်ဘါစၢ်န့ၣ်, မ့ၢ်ယဂံၢ်ဆူၣ်ဘါဆူၣ်လီၤ.

၂ ကရံၣ်သူး 4:10

ကိးဆၢကတီၢ်ဒဲးန့ၣ်, ပစိာ်ယ့ၣ်ၡူးအတၢ်သံလၢပနီၢ်ခိလၢ အသံသ့ဝဲတဖၣ်အပူၤ, ဒ်သိးအဝဲဒၣ်အတၢ်အိၣ်မူစ့ၢ်ကီးကဘၣ်တၢ်ထံၣ်န့ၢ်အီၤလၢ ပနီၢ်ခိတဖၣ်အပူၤအဂီၢ်န့ၣ်လီၤ.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

၂ ပ့းတရူး 2:2

အန့ၣ်ဒၣ်လဲာ်, ပှၤအါဂၤကပိာ်ထွဲအဝဲသ့ၣ်အတၢ်ကလုာ်ကလိၤအကျဲ တဖၣ်အခံ, ဒီးလၢတၢ်လၢအဝဲသ့ၣ်မၤဝဲအဃိ, ပှၤဂၤတဖၣ်ကကတိၤအၢကတိၤသီတၢ်မ့ၢ်တၢ်တီအကျဲ န့ၣ်လီၤ.