၁ ပ့းတရူး 4:11 - Sgaw Karen Common Bible

¹¹ ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

၁ ပ့းတရူး 4:11 Iomraidhean Croise

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယံးရမံယၤ 23:22

အဝဲသ့ၣ်မ့ၢ်သ့ၣ်ညါတ့ၢ်ယတၢ်ဆိကမိၣ်ခူသူၣ်တဖၣ်ဒီး, အဝဲသ့ၣ်ကသ့စံးဘၣ်တဲဘၣ်ယတၢ်ကစီၣ်ဆူယပှၤဂီၢ်မုၢ်ဒီး ကသ့မၢအဝဲသ့ၣ်ညိကွံာ်တၢ်အိၣ်မူအအၢအသီလၢအဝဲသ့ၣ် အိၣ်မူဝဲဒီးတၢ်အၢတၢ်သီတဖၣ်လၢအဝဲသ့ၣ်မၤဝဲန့ၣ်လီၤ.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်ယိၤဟၣ် 13:31

စီၤယူဒၤဟးထီၣ်ကွံာ်ဝံၤအလီၢ်ခံ, ယ့ၣ်ၡူးစံးဝဲ, “ခဲကနံၣ်အံၤပှၤကညီဖိခွါအလၤကပီၤအိၣ်ဖျါထီၣ်ဝဲ, ဒီးကစၢ်ယွၤအလၤကပီၤအိၣ်ဖျါထီၣ်ဝဲခီဖျိအီၤန့ၣ်လီၤ.

မၤတၢ် 7:38

အဝဲဒၣ်အံၤမ့ၢ်ပှၤလၢအအိၣ်လၢပှၤအံၣ်စရ့လးဖိတဖၣ် အကျါ, ဖဲအဝဲသ့ၣ်တဖၣ်ပာ်ဖှိၣ်ထီၣ်အသးလၢပှၢ်မုၢ်ကနၢန့ၣ်လီၤ. အိၣ်ဝဲဖဲန့ၣ်ဒီးပမိၢ်ပၢ်ဖံဖုလၢပျၢၤတဖၣ်, ဒီးအိၣ်ဝဲဒီးကလူးလၢအကတိၤတၢ်ဒီးအီၤလၢကစၢၢ်စံၤနါအဒီ ခိၣ်, ဒီးဒိးန့ၢ်ဘၣ်ဝဲကစၢ်ယွၤအကလုၢ်ကထါလၢအမူဝဲတဖၣ်လၢ အကဟ့ၣ်ယုၢ်လီၤပဝဲဒၣ်တဖၣ်အဂီၢ်လီၤ.

ရိမ့ၤ 11:36

အဂ့ၢ်ဒ်လဲၣ်န့ၣ်, တၢ်ခဲလၢာ်ဘၣ်တၢ်တ့လီၤလၢအီၤ, ဒီးတၢ်ခဲလၢာ်အိၣ်ထီၣ်ခီဖျိအီၤဒီးလၢအဂီၢ်န့ၣ်လီၤ. မ်တၢ်လၤကပီၤဘၣ်ကစၢ်ယွၤလီၤစိၤလီၤထီတက့ၢ်. အၤမ့ၣ်.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

ရိမ့ၤ 16:27

ကစၢ်ယွၤထဲတဂၤဧိၤလၢအအိၣ်ဒီးတၢ်ကူၣ်သ့ခဲလၢာ်န့ၣ်, မ်အဘၣ်တၢ်လၤကပီၤခီဖျိယ့ၣ်ၡူးခရံာ်အစိၤစိၤအဃၣ်ဃၣ်န့ၣ် တက့ၢ်. အၤမ့ၣ်.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

1 ကရံၣ်သူး 12:4

သးစီဆှံအတၢ်ဟ့ၣ်န့ၣ်အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢအဟ့ၣ်တၢ်န့ၣ်မ့ၢ်ဝဲသးစီဆှံတဂၤဃီလီၤ.

1 ကရံၣ်သူး 3:10

ယသူတၢ်ဟ့ၣ်လၢကစၢ်ယွၤဟ့ၣ်ယၤဒီးမၤပှၤသူၣ်ထီၣ်တၢ်လၢ အသ့အဘၣ်တဂၤအတၢ်မၤဒီးပာ်လီၤတၢ်အခီၣ်ထံး, ဒီးပှၤအဂၤတဂၤသူၣ်ထီၣ်တၢ်လၢအလိၤလီၤ. ဘၣ်ဆၣ်ဒီးပှၤတဂၤဒီးတဂၤကသူၣ်ထီၣ်ဘှီထီၣ်တၢ်ဒ်လဲၣ်ဒ်လဲၣ် န့ၣ်ကဘၣ်ပလီၢ်ပဒီအသးလီၤ.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

အ့းဖ့းစူး 1:19

ဒီးအစိအကမီၤလၢအမၤတၢ်လၢပဝဲပှၤစူၢ်က့ၤနာ်က့ၤတၢ် တဖၣ်အပူၤအံၤဒိၣ်ဝဲဆူၣ်ဝဲဆံးဒိၣ်လဲၣ်အဂီၢ်န့ၣ်လီၤ. တၢ်စိကမီၤလၢအမၤတၢ်လၢပပူၤအံၤမ့ၢ်တၢ်ဂံၢ်တၢ်ဘါဖးဒိၣ် တမံၤဃီ,

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 5:20

လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 2:11

ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

၁ သ့းစၤလနံ 2:4

မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

တံတူး 2:1

မ့မ့ၢ်နဲဒၣ်အံၤ, သိၣ်လိတၢ်လၢအဃူဃီၣ်လီၤပလိာ်ဒီးတၢ်သိၣ်လိသီလိ အမ့ၢ်အတီတက့ၢ်.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

ဧ့ၤဘြံၤ 13:7

သ့ၣ်နီၣ်ထီၣ်သုခိၣ်သုနၢ်လၢအစံးဘၣ်တဲဘၣ်သုလၢကစၢ်ယွၤ အကလုၢ်ကထါန့ၣ်တက့ၢ်. ကွၢ်ထံအဝဲသ့ၣ်အတၢ်ကျဲးစၢးအကတၢၢ်ဒီးမၤထွဲအတၢ်နာ် အခံန့ၣ်တက့ၢ်.

ဧ့ၤဘြံၤ 5:12

နီၢ်နီၢ်တခီ, တုၤလၢဆၢကတီၢ်ခဲအံၤန့ၣ်သုဂ့ၤကဲထီၣ်တ့ၢ်လံ သရၣ်တဖၣ်လံ. မ့ၢ်နာ်သက့ဒ်န့ၣ်ဒီး သုလိၣ်ဘၣ်ဒံးပှၤလၢအကသိၣ်လိသုလၢကစၢ်ယွၤ အကလုၢ်ကထါကစၢ်အခီၣ်ထံးခီၣ်ဘိကဒီးန့ၣ်လီၤ. လၢသုဘၣ်အီၣ်တၢ်အသံးအကာ်အလီၢ်န့ၣ်သုဘၣ်အီ ဒံးဒၣ်တၢ်နုၢ်ထံလီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

၁ ပ့းတရူး 5:11

မ်တၢ်စိတၢ်ကမီၤအိၣ်ဒီးအီၤလီၤစိၤလီၤထီတက့ၢ်. အၤမ့ၣ်.

ယူဒၤ 1:25

ကစၢ်ယွၤတဂၤဃီ, ပပှၤအုၣ်က့ၤခီၣ်က့ၤတၢ်ခီဖျိပကစၢ် ယ့ၣ်ၡူးခရံာ်အံၤ, မ်တၢ်လၤကပီၤ, တၢ်ကဟုကညီၢ်, တၢ်ဂံၢ်ဆူၣ်ဘါဆူၣ်, ဒီးတၢ်စိတၢ်ကမီၤအိၣ်ဒီးအီၤ, လၢစိၤလၢအပူၤကွံာ်ခဲလၢာ်, ဒီးစိၤခဲအံၤ, ဒီးဆူညါအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.