၁ ပ့းတရူး 4:1 - Sgaw Karen Common Bible

¹ မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

၁ ပ့းတရူး 4:1 Iomraidhean Croise

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်မၢ်ကူး 3:3

ယ့ၣ်ၡူးစံးဘၣ်ပှၤတဂၤန့ၣ်, “ဟဲထီၣ်ဆူတၢ်မဲာ်ညါအံၤတက့ၢ်.”

ရိမ့ၤ 6:11

ဒ်န့ၣ်အသိး, သုကဘၣ်သ့ၣ်ညါလီၤသုသးလၢဖဲ အဘၣ်ဃးဒီးတၢ်ဒဲးဘးန့ၣ်သုသံလံ. ဘၣ်ဆၣ်ဒီးသုမူသုဝဲလၢကစၢ်ယွၤအပူၤခီဖျိ ယ့ၣ်ၡူးခရံာ်န့ၣ်လီၤ.

ရိမ့ၤ 6:2

တမ့ၢ်ဒ်န့ၣ်ဘၣ်. ပသံသဒၣ်ကွံာ်တၢ်ဒဲးဘးလံ. မ့မ့ၢ်ဒ်န့ၣ်ဒီး, ပအိၣ်မူဒံးလၢတၢ်ဒဲးဘးအပူၤကသ့လၢကျဲဒ်လဲၣ်.

ရိမ့ၤ 6:7

အဂ့ၢ်ဒ်လဲၣ်န့ၣ်, ဖဲပှၤတဂၤသံဝဲန့ၣ်အဝဲဘၣ်တၢ်မၤထူၣ်ဖျဲး ထီၣ်ကွံာ်အီၤလၢတၢ်ဒဲးဘးအစိကမီၤအဖီလာ်န့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

ဖံလံးပံၤ 2:5

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.

ဧ့ၤဘြံၤ 4:10

အဂ့ၢ်ဒ်အံၤ, ပှၤတဂၤလၢ်လၢ်လၢအဒိးန့ၢ်ဘၣ်တၢ်အိၣ်ဘှံးလၢ ကစၢ်ယွၤစံးပာ်န့ၣ်ကဆိကတီၢ်ကွံာ်လၢအတၢ်ဖံးတၢ်မၤဒ် ကစၢ်ယွၤအိၣ်ဘှံးက့ၤလၢတၢ်ဖံးတၢ်မၤအပူၤအသိးန့ၣ်လီၤ.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.