၁ ပ့းတရူး 3:9 - Sgaw Karen Common Bible

⁹ ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၁ ပ့းတရူး 3:9 Iomraidhean Croise

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

တၢ်ကတိၤဒိ. 17:13

နမ့ၢ်ဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ်, နထုးထီၣ်ကွံာ်တၢ်အၢတၢ်သီလၢနဟံၣ်ပူၤတသ့နီတဘျီဘၣ်.

တၢ်ကတိၤဒိ. 20:22

ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

တၢ်ကတိၤဒိ. 28:10

နမ့ၢ်ကူၣ်လီန့ၢ်ပှၤတီပှၤလိၤတဂၤလၢကမၤတၢ်အၢဒီး, နကလီၤတဲာ်နုာ်ဆူနပျံၤသကွီၤဒၣ်နဲအပူၤလီၤ. ပှၤလၢအတသ့ၣ်ညါဘၣ်တၢ်အၢတၢ်သီန့ၢ်ဘၣ်တၢ်ဟ့ၣ်ဘျုး အဂ့ၤတမံၤလီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 5:39

ဘၣ်ဆၣ်ဒီးအခဲအံၤယစံးဘၣ်သု, လၢသုသုတမၤကၣ်ပှၤလၢအမၤအၢသုတဂၤတဂ့ၤ. ပှၤတဂၤဂၤမ့ၢ်ဒဲနမဲာ်လၢအထွဲတခီဒီးဃၣ်န့ၢ်အီၤလၢအစ့ၣ် တခီစ့ၢ်ကီးတက့ၢ်.

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်မၢ်ကူး 10:17

ဖဲယ့ၣ်ၡူးဟးထီၣ်ဒီးလဲၤတၢ်အကတီၢ်န့ၣ်, ပှၤတဂၤဟဲဃ့ၢ်ထီၣ်ဒီးချံးခီၣ်တီၤလီၤလၢအမဲာ်ညါဒီးသံ ကွၢ်အီၤ, “သရၣ်လၢအဂ့ၤတဂၤဧၢ, ဒ်သိးယကန့ၢ်ဘၣ်သါတၢ်မူအထူအယိာ်အဂီၢ်ယကဘၣ် မၤတၢ်မနုၤလဲၣ်.”

လံာ်လူၤကၣ် 10:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”

လံာ်လူၤကၣ် 18:18

ပှၤယူဒၤဖိအခိၣ်အနၢ်တဂၤသံကွၢ်ယ့ၣ်ၡူး, “သရၣ်လၢအဂ့ၤတဂၤဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်အဂီၢ်န့ၣ်, ယကဘၣ်မၤယဲဒ်လဲၣ်.”

ရိမ့ၤ 12:14

ဃ့တၢ်လၢကစၢ်ယွၤလၢကဆိၣ်ဂ့ၤပှၤလၢအမၤအၢမၤနး သုတဖၣ်တက့ၢ်. မ့ၢ်လီၤ. ဃ့အီၤလၢကဆိၣ်ဂ့ၤတၢ်အဂီၢ်, တမ့ၢ်လၢကဆိၣ်အၢတၢ်အဂီၢ်ဘၣ်.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

ဧ့ၤဘြံၤ 12:17

အဂ့ၢ်ဒ်အံၤ, လၢခံက့ၤတုၤတၢ်မိၣ်န့ၢ်ဘၣ်သါက့ၤအသးလၢ တၢ်ဆိၣ်ဂ့ၤဒီး, ဘၣ်တၢ်ညိကွံာ်အီၤလီၤ. အဂ့ၢ်မ့ၢ်လၢအဃုတၢ်ပီၢ်ယၢ်လီၤက့ၤအသးလၢမဲာ်ထံမဲာ်နိနာ်သ က့, တန့ၢ်ဘၣ်ဝဲလၢၤဘၣ်န့ၣ်သုသ့ၣ်ညါသုဝဲလီၤ.

ဧ့ၤဘြံၤ 6:14

ဒီးစံး, “ယအၢၣ်လီၤနၤလၢယကဆိၣ်ဂ့ၤနၤဒီးဟ့ၣ်နၤလၢ နစၢၤနသွဲၣ်အါဂၤန့ၣ်လီၤ.”

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:11

ယွၤတြီယၤလၢယကကျဲးစၢးမၤဆါပှၤတဂၤလၢယွၤဒုးကဲထီၣ်အီၤ လၢစီၤပၤန့ၣ်လီၤ. မ်ပဟံးန့ၢ်အဘီ, အထံကိဖိဒီးဟးထီၣ်ကွံာ်တက့ၢ်.”