၁ ပ့းတရူး 3:6 - Sgaw Karen Common Bible

⁶ နီၢ်စၤရါမ့ၢ်ပိာ်မုၣ်ဒ်န့ၣ်သိးတဂၤလီၤ. အဝဲစူၢ်စီၤအၤဘြၤဟၣ်အကလုၢ်ဒီးကိးအီၤလၢအကစၢ်န့ၣ်လီၤ. သုမ့ၢ်မၤတၢ်ဂ့ၤဒီးတပျံၤတၢ်နီတမံၤဘၣ်န့ၣ်, အခဲအံၤသုမ့ၢ် အဖိမုၣ်တဖၣ်န့ၣ်လီၤ.

၁ ပ့းတရူး 3:6 Iomraidhean Croise

လံာ်တၢ်ကဲထီၣ်အခီၣ်ထံး 18:12

ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”

လံာ်တၢ်ကဲထီၣ်အခီၣ်ထံး 18:15

မ့ၢ်လၢနီၢ်စၤရါပျံၤတၢ်အဃိသမၢတၢ်ဒီးစံး, “ယတနံၤဘၣ်” ဘၣ်ဆၣ်ဒီးကလူးစံးဝဲ, “နနံၤတ့ၢ်လီၤ. နနံၤသပှၢ်တၢၢ်လီၤ.”

စံးထီၣ်ပတြၢၤ 45:11

စီၤပၤကအဲၣ်ဘၣ်နၤ လၢနတၢ်ဃံတၢ်လၤအဃိန့ၣ်လီၤ. အဝဲမ့ၢ်နကစၢ်, ဒီးနကဘၣ်ဒိကနၣ်အီၤလီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.

လံာ်ပှၤစံၣ်ညီၣ်ကွီၢ် 19:26

ဖဲမုၢ်ဆ့ၣ်ထီၣ်ဂီၤဂီၤန့ၣ်, ပိာ်မုၣ်န့ၣ်ဟဲက့ၤဝဲဒီးလီၤ ဃံၤလၢပှၤသးပှၢ်န့ၣ်အတြဲၤအခီၣ်ထံး, ဖဲအဝၤအိၣ်ဝဲအလီၢ်န့ၣ်လီၤ. ဖဲမုၢ်ဝါထီၣ်န့ၣ်ပိာ်မုၣ်အိၣ်ဒံးဝဲဖဲန့ၣ်လီၤ.