၁ ပ့းတရူး 3:4 - Sgaw Karen Common Bible

⁴ မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 3:4 Iomraidhean Croise

စံးထီၣ်ပတြၢၤ 131:2

အခိၣ်တလိာ်, ယသူၣ်မံသးမုာ်ဒီး ယသးပှဲၤဒီးတၢ်ဃူတၢ်ဖိးလီၤ. ဒ်ဖိသၣ်တဂၤလၢ အမံလီၤဘှ့ၣ်ဘှ့ၣ်ဘှီၣ်ဘှီၣ် လၢအမိၢ်အစုတီၤပူၤအသိးန့ၣ်, ယကသူၣ်မံသးမုာ်လၢ ယပူၤလီၤ.

စံးထီၣ်ပတြၢၤ 147:6

ပှၤလၢအဆီၣ်လီၤအသးန့ၣ်ယွၤဝံၢ်ဆၢထၢၣ်အီၤလီၤ. မ့မ့ၢ်ပှၤတတီတလိၤန့ၣ် ဆီၣ်လီၤဝဲလၢဟီၣ်ခိၣ်လိၤလီၤ.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 25:9

အဝဲဆှၢပှၤဆီၣ်လီၤအသးတဖၣ်လၢကျဲမ့ၢ်ကျဲတီအပူၤ ဒီးဒုးနဲၣ်အဝဲသ့ၣ်လၢအတၢ်ဘၣ်အသးန့ၣ်လီၤ.

စံးထီၣ်ပတြၢၤ 45:13

စီၤပၤအဖိမုၣ်အိၣ်လၢနီပူၤန့ၣ်, ဃံလၤဝဲဆံးဒိၣ်လဲၣ်. အဆ့ကၤဘၣ်တၢ်မၤအီၤလၢလုၣ်ထူန့ၣ်လီၤ.

စံးထီၣ်ပတြၢၤ 51:6

တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယံးရမံယၤ 51:59

စီၤပၤစံးဒကံယၤ အပှၤကွၢ်ထွဲမၤစၢၤအီၤမ့ၢ် ဝဲ စီၤစရါယၤလၢအမ့ၢ်စီၤန့ၤရံယၤ အဖိခွါဒီး စီၤမၤစ့ယၤအလံၤခွါန့ၣ်လီၤ. ဖဲစီၤစံးစကံယၤ ကဲစီၤပၤလၢကီၢ်ယူဒၤပှဲၤထီၣ်လွံၢ်နံၣ်တနံၣ်အပူၤန့ၣ်, စီၤစရါယၤလဲၤဃုာ်တၢ်ဒီး အီၤဆူကီၢ်ဘၤဘူၤလိၣ်ဒီး ယဟ့ၣ်လီၤအီၤတၢ်သိၣ်လိနဲၣ်ယုၤတနီၤန့ၣ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်မးသဲ 23:26

ပှၤဖၤရံၤၡဲဘျီၣ်မဲာ်သ့ၣ်ဧၢ, မၤကဆှီတၢ်အိၣ်လၢလီခီတဖၣ်အပူၤ လၢညါ, ဒ်သိးလီခီတဖၣ်အချၢစ့ၢ်ကီးကကဆှီထီၣ်ဝဲအဂီၢ်န့ၣ်တက့ၢ်.

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

လံာ်လူၤကၣ် 11:40

ပှၤဟးဂီၤဖိသ့ၣ်ဧၢ, မ့ၢ်ကစၢ်ယွၤလၢအတ့လီၤပာ်လီၤတၢ်အိၣ် လၢတၢ်ချၢန့ၣ်, တတ့လီၤပာ်လီၤစ့ၢ်ကီးတၢ်အိၣ်လၢတၢ်အိပူၤဘၣ်ဧါ.

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

ရိမ့ၤ 1:23

လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 6:6

ဒီးပသ့ၣ်ညါတၢ်အံၤလီၤ. ပနီၢ်လီၢ်လံၤအံၤဘၣ်တၢ်မၤသံတ့ၢ်လံအီၤဃုာ်ဒီးခရံာ်လၢ အထူၣ်စုညါအလိၤ, ဒ်သိးတၢ်ဒဲးဘးအနီၢ်ခိနီၢ်ကစၢ်အစိကမီၤ ကဘၣ်တၢ်မၤဟးဂီၤကွံာ်အီၤ, ဒီးဒ်သိးပသုတကဲလၢၤတၢ်ဒဲးဘးအကုၢ်အပှၤတဖၣ်တဂ့ၤအဂီၢ်န့ၣ်လီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

ကလၤတံ 5:23

တၢ်ဆီၣ်လီၤသး, ဒီးတၢ်ပၢၤသူၣ်ပၢၤသးတဖၣ်န့ၣ်လီၤ. တၢ်သိၣ်တၢ်သီလၢအကထီဒါတၢ်ဒ်သိးအံၤတဖၣ်တအိၣ် ဝဲနီတထံၣ်ဘၣ်.

အ့းဖ့းစူး 4:2

ဆီၣ်လီၤသုသး, အိၣ်ဒီးတၢ်သူၣ်ဂ့ၤသးဝါဒီးတၢ်ဝံသးစူၤထီဘိ တက့ၢ်. ပာ်ဖျါထီၣ်သကိးသုတၢ်အဲၣ်တၢ်ကွံခီဖျိတၢ်သူၣ်စူၤသးစူၤ န့ၣ်တက့ၢ်.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

၁ သ့းစၤလနံ 4:11

ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

၂ သ့းစၤလနံ 3:12

လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.

၁ တံၤမသ့း 2:2

လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

တံတူး 3:2

စံးဘၣ်အဝဲသ့ၣ်လၢအသုတကတိၤအၢကတိၤသီပှၤနီတဂၤ တဂ့ၤ, မ့မ့ၢ်တခီကအိၣ်ဃူအိၣ်ဖိးဒီးရ့တံၤရ့သကိး, ဒီးထီဘိဒၣ်တၢ်ကဒုးနဲၣ်တၢ်ပာ်သးခုၣ်ခုၣ်မုာ်မုာ်လၢပှၤကိး ဂၤဒဲးအဖီခိၣ်န့ၣ်တက့ၢ်.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”