၁ ပ့းတရူး 3:21 - Sgaw Karen Common Bible

²¹ လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ပ့းတရူး 3:21 Iomraidhean Croise

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်ယိၤဟၣ် 13:9

စီၤၡံမိၣ်ပ့းတရူးစံးဆၢအီၤဒီးစံး “ကစၢ်ဧၢ, မ့မ့ၢ်ဒ်န့ၣ်ဒီး, တဘၣ်သ့ထဲယခီၣ်တဂ့ၤ. သ့ဃုာ်စ့ၢ်ကီးယစုတဖၣ်ဒီးယခိၣ် တက့ၢ်.”

မၤတၢ် 16:33

တနၤဃီတဆၢကတီၢ်ဃီန့ၣ်, ပှၤဃိာ်ဒိၣ်သ့ကွံာ်အဝဲသ့ၣ်အပူၤလီၢ် အပူၤကျဲ, ဒီးအဝဲဒၣ်ဒီးအပှၤဟံၣ်ဖိဃီဖိခဲလၢာ်ဘၣ်တၢ်ဘျၢ အီၤလၢထံတဘျီဃီလီၤ.

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

မၤတၢ် 8:37

(စီၤဖံလံးပူးစံးဘၣ်အီၤ, “နမ့ၢ်နာ်ယ့ၣ်ၡူးခရံာ်လၢနသးဒီဖျၢၣ်ညါဒီး, နဒိးဘျၢနသးလၢထံသ့ဝဲဒၣ်လီၤ.” အဝဲဒၣ်စံးဆၢက့ၤအီၤ, “ယနာ်လၢယ့ၣ်ၡူးခရံာ်မ့ၢ်ကစၢ်ယွၤအဖိခွါန့ၣ်လီၤ.”)

ရိမ့ၤ 5:14

ဘၣ်ဆၣ်, စးထီၣ်လၢစီၤအၤဒၣ်တုၤလီၤလၢစီၤမိၤၡ့ အစိၤန့ၣ်, တၢ်သံပၢတၢ်လၢပှၤဟီၣ်ခိၣ်ဖိခဲလၢာ်အဖီခိၣ်, ပၢၢ်တုၤဒၣ်လဲာ်လၢပှၤလၢအတၢ်ဒဲးဘးတလီၤဂာ်ဒီး စီၤအၤဒၣ်အတၢ်ဒဲးဘးလၢအမ့ၢ်တၢ်တဒိကနၣ် ကစၢ်ယွၤအတၢ်မၤလိာ်ဘၣ်န့ၣ်လီၤ. စီၤအၤဒၣ်မ့ၢ်ပှၤလၢအကဟဲတဂၤအက့ၢ်အဂီၤအဒိ အတဲာ်န့ၣ်လီၤ.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 3:27

သုဘၣ်တၢ်ဒိးဘျၢသုလၢထံဆူတၢ်တမံၤဃီဒီးခရံာ်အပူၤ, ဒီးခဲအံၤသုကူထီၣ်သိးထီၣ်ခရံာ်အကစၢ်ဒၣ်ဝဲအတၢ်မူန့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.