၁ ပ့းတရူး 3:17 - Sgaw Karen Common Bible

¹⁷ အဂ့ၢ်ဒ်လဲၣ်န့ၣ်, တၢ်အံၤမ့မ့ၢ်ကစၢ်ယွၤအတၢ်ဘၣ်အသး ဒီး, ပဘၣ်တၢ်နးတၢ်ဖှီၣ်လၢပမၤတၢ်ဂ့ၤအဃိန့ၣ်, ဂ့ၤန့ၢ်ပဘၣ်တၢ်လၢပမၤတၢ်အၢအဃိတက့ၢ်န့ၣ်လီၤ.

၁ ပ့းတရူး 3:17 Iomraidhean Croise

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

မၤတၢ် 18:21

ဘၣ်ဆၣ်ဒီးဖဲအဟးထီၣ်န့ၣ်စံးဘၣ်အဝဲသ့ၣ်, “ကစၢ်ယွၤမ့ၢ်ဘၣ်အသးဒီးယကဟဲက့ၤကဒါက့ၤဆူ သုအိၣ်လီၤ.” ဒီးအဝဲဒၣ်ဒိးထီၣ်ကဘီဒီးဟးထီၣ်ကွံာ် လၢဝ့ၢ်အ့းဖ့းစူးန့ၣ်လီၤ.

မၤတၢ် 21:14

ပတဲအီၤတန့ၢ်ဘၣ်အဃိ, ပဆိကတီၢ်ပတၢ်ဃ့ကညးဒီးစံး, “မ်ကစၢ်အတၢ်ဘၣ်အသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

၁ ပ့းတရူး 1:6

အခဲအံၤအလီၢ်မ့ၢ်အိၣ်လၢသုဂီၢ်လၢသုကဘၣ်သူၣ်အုးသးအုး တစိၢ်တလီၢ်လၢတၢ်မၤကွၢ်အါကလုာ်လၢသုဘၣ်တူၢ်အီၤ အဃိဒၣ်လဲာ်, သူၣ်ခုသးခုလၢတၢ်အံၤအဃိတက့ၢ်.

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.

၁ ပ့းတရူး 2:20

သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၁ ပ့းတရူး 4:15

သုမ့ၢ်တူၢ်ဘၣ်တၢ်တဂၤဂၤဒီး, တကြၢးမ့ၢ်ဒ်ပှၤမၤသံပှၤကညီ တဂၤ, မ့တမ့ၢ်တၢ်ဘျၣ်တဂၤ, မ့တမ့ၢ်ပှၤမၤအၢမၤသီတၢ် တဂၤ, မ့တမ့ၢ်ပှၤဂိာ်စုဂိာ်ခီၣ်လၢပှၤဂၤအတၢ်ဂ့ၢ်တဂၤအသိး န့ၣ်ဘၣ်.

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.