၁ ပ့းတရူး 3:10 - Sgaw Karen Common Bible

¹⁰ ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.

၁ ပ့းတရူး 3:10 Iomraidhean Croise

လံာ်စီၤယိၤဘး 2:4

တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

လံာ်စီၤယိၤဘး 33:28

အဝဲတပျဲယလဲၤဆူ တၢ်သံအကီၢ်ပူၤဘၣ်. ဒီးယအိၣ်မူဒံးယဲလီၤ.”

လံာ်စီၤယိၤဘး 9:25

ယမုၢ်နံၤမုၢ်သီတဖၣ်လဲၤပူၤကွံာ်ဝဲချ့သဒံးန့ၣ်လီၤ. ယူၤထီၣ်ကွံာ်ဝဲဒီးတထံၣ်တၢ်ဂ့ၤနီတမံၤဘၣ်.

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

စံးထီၣ်ပတြၢၤ 49:19

ကပာ်ဖှိၣ်အသးဒီးအမိၢ်ပၢ်ဖံဖုလၢပျၢၤ တဖၣ်လၢတၢ်သံအပူၤ ဖဲတၢ်ခံးတၢ်နၤအိၣ်ဝဲထီဘိအလီၢ်န့ၣ်လီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

တၢ်ကတိၤဒိ. 3:2

ယတၢ်သိၣ်က့ၤသီက့ၤကဟ့ၣ်နၤတၢ်အိၣ်ကၢအိၣ်ခိးဒီးတၢ်အိၣ်မူ လၢအဘီၣ်ထီၣ်ညီထီၣ်ဝဲန့ၣ်လီၤ.

တၢ်ကတိၤဒိ. 4:22

အဝဲသ့ၣ်ကဟ့ၣ်တၢ်မူဒီးတၢ်အိၣ်ဆူၣ်အိၣ်ချ့ဆူပှၤ တဂၤလၢ်လၢ်လၢအသ့ၣ်ညါနၢ်ပၢၢ်အီၤန့ၣ်လီၤ.

တၢ်ကတိၤဒိ. 8:35

ပှၤလၢအထံၣ်န့ၢ်ယၤထံၣ်န့ၢ်တၢ်မူ ဒီးယွၤကဘၣ်အသးလၢအီၤလီၤ.

လံာ်ပှၤစံၣ်တဲၤတဲလီၤတၢ် 2:3

လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်မးသဲ 19:17

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

လံာ်မၢ်ကူး 8:35

အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤအသး သမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိ ဒီးလၢတၢ်သးခုကစီၣ်အဃိန့ၣ်, ကမူဝဲနီၢ်နီၢ်လီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

လံာ်ယိၤဟၣ် 12:25

ပှၤတဂၤလၢ်လၢ်လၢအအဲၣ်လီၤအသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢ အတအဲၣ်လီၤအသးသမူဒၣ်ဝဲလၢဟီၣ်ခိၣ်အံၤန့ၣ်, ကဟံးဃာ်ပၢၤဃာ်ဝဲလၢတၢ်မူအထူအယိာ်အဂီၢ်လီၤ.

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

လံာ်လီၣ်ဖျါ 14:5

အဝဲသ့ၣ်ဘၣ်တၢ်သ့ၣ်ညါအီၤလၢအတစံးကတိၤတၢ်ကဘျံး ကဘျၣ်နီတစုဘၣ်, အတၢ်ကမူၤကမၣ်တအိၣ်ဘၣ်.