၁ ပ့းတရူး 3:1 - Sgaw Karen Common Bible

¹ ဒ်န့ၣ်အသိးသုဝဲမါတဖၣ်သုကဘၣ်ဒိးပၢဒိးဆှၢသုသးလၢ သုဝၤတဖၣ်, ဒ်သိးအဝဲသ့ၣ်တဂၤဂၤမ့ၢ်တနာ်ယွၤအကလုၢ် ကထါဒီး, သုသကဲာ်ပဝးကထုးန့ၢ်က့ၤအဝဲသ့ၣ်လၢကစူၢ် က့ၤနာ်က့ၤတၢ်အဂီၢ်လီၤ. တလိၣ်သုကတိၤတၢ်နီတဘီဒၣ်လဲာ်ဘၣ်.

၁ ပ့းတရူး 3:1 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 18:19

မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.

လံာ်မးသဲ 18:15

နဒီပုၢ်ဝဲၢ်ပှၤနာ်တၢ်ဖိဒ်သိးသိးဒီးနၤမ့ၢ်မၤကမၣ်ဘၣ်နၤဒီး, လဲၤဆူအအိၣ်ဒီးတဲဘၣ်အီၤလၢအတၢ်ကမၣ်တက့ၢ်. တဲအီၤထဲလၢသုခံဂၤအဘၢၣ်စၢၤတက့ၢ်. အဝဲမ့ၢ်ဒိကနၣ်နၤဒီး, နန့ၢ်က့ၤနဒီပုၢ်ဝဲၢ်လံ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

ရိမ့ၤ 7:2

အဒိန့ၣ်, ပိာ်မုၣ်လၢအဒိးတ့ဒိးဖျီအသးဝံၤတဂၤန့ၣ်တၢ်သိၣ် တၢ်သီစၢဃာ်အီၤဒီးအဝၤဖဲအဝၤအိၣ်မူဒံးအခါန့ၣ်လီၤ. ဘၣ်ဆၣ်အဝၤမ့ၢ်သံဒီး, အဝဲထူၣ်ဖျဲးထီၣ်ဝဲလၢတၢ်သိၣ်တၢ်သီလၢအစၢဃာ်အီၤဒီး အဝၤန့ၣ်လီၤ.

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 14:34

ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

1 ကရံၣ်သူး 7:16

မါပှၤခရံာ်ဖိဧၢ, နတအုၣ်က့ၤခီၣ်က့ၤနဝၤန့ၣ်, နသ့ၣ်ညါလီၤတံၢ် ကသ့ဝဲလၢကျဲဒ်လဲၣ်. မ့တမ့ၢ်ဘၣ်ဒီး, ဝၤပှၤခရံာ်ဖိဧၢ, နတအုၣ်က့ၤခီၣ်က့ၤနမါန့ၣ်, နသ့ၣ်ညါလီၤတံၢ်ကသ့ဝဲလၢကျဲဒ်လဲၣ်.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

ကလီးစဲ 3:18

မါသ့ၣ်ဧၢ, ဒိးပၢသုသးလၢသုဝၤတက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢသုကြၢးမၤဝဲဒ်ပှၤခရံာ်ဖိတဖၣ်အသိး န့ၣ်လီၤ.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 3:2

မ့ၢ်လၢအဝဲသ့ၣ်ကထံၣ်သုသကဲာ်ပဝးကဆှီဝဲဒီးလီၤယူးယီၣ် ပာ်ကဲဆံးအါလဲၣ်အဃိန့ၣ်လီၤ.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.