၁ ပ့းတရူး 2:9 - Sgaw Karen Common Bible

⁹ ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ပ့းတရူး 2:9 Iomraidhean Croise

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

စံးထီၣ်ပတြၢၤ 118:27

ယွၤမ့ၢ်ကစၢ်ယွၤလီၤ. အဝဲမ့ၢ်တၢ်ဂ့ၤလၢပဂီၢ်လီၤ. စးထီၣ်တၢ်သးခုအဘူၣ်လၢသုစုပူၤ, ဒီးလဲၤတရံးတၢ်လုၢ်လီၢ်န့ၣ်တက့ၢ်.

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 22:30

ပှၤလၢစိၤလၢအကဟဲသ့ၣ်တဖၣ်ကမၤအတၢ်, ပှၤကစံးဘၣ်တဲဘၣ်ပှၤလၢခံတစိၤ လၢယွၤအဂ့ၢ်န့ၣ်လီၤ.

စံးထီၣ်ပတြၢၤ 33:12

ပှၤကလုာ်လၢကစၢ်ယွၤမ့ၢ်အကစၢ်န့ၣ်ဘၣ်ဆိၣ်ဂ့ၤနီၢ်နီၢ် ဒီးပှၤဂီၢ်မုၢ်လၢကစၢ်ယွၤဃုထၢအီၤလၢ အတၢ်န့ၢ်သါအဂီၢ်ဒၣ်ဝဲန့ၣ် ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 73:15

ယမ့ၢ်စံၤတ့ၢ်တၢ်ဒ်န့ၣ်အသိးဒီး ယကမ့ၢ်ပှၤတဂၤလၢ အတမၤတၢ် ဒ် နပှၤဂီၢ်မုၢ်အသိးဘၣ်လီၤ.

လံာ်ယၡါယၤ 26:2

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 44:1

ယွၤစံးဝဲ, “ကီၢ်အံၣ်စရ့လး, ယခ့ယပှၤ, ပှၤဂီၢ်မုၢ်လၢယဃုထၢအီၤ, စီၤယၤကိာ်အစၢၤအသွဲၣ်တဖၣ်ဧၢ, ခဲအံၤဒိကနၣ်တၢ်တက့ၢ်.

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 66:21

ယကဒုးကဲထီၣ်အဝဲသ့ၣ်တနီၤလၢပှၤလုၢ်တၢ်အဒိၣ်တဖၣ်ဒီး ပှၤလ့ၤဝံဖိတဖၣ်န့ၣ်လီၤ.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

မၤတၢ် 26:28

စီၤအကြံးပၤစံးဘၣ်စီၤပီလူး, “လၢတၢ်ဆၢကတီၢ်ဖုၣ်ကိာ်ဖိအပူၤ အံၤန့ၣ်, မ့ၢ်နဆိကမိၣ်လၢနကဒုးကဲထီၣ်ယၤပှၤခရံာ်ဖိတဂၤန့ၣ်ဧါ.”

ရိမ့ၤ 9:24

အဂ့ၢ်ဒ်လဲၣ်န့ၣ်, ပမ့ၢ်ပှၤတဖၣ်လၢအဝဲကိးထီၣ်ဝဲ, တမ့ၢ်ထဲလၢပှၤယူဒၤဖိတဖၣ်အကျါဘၣ်. မ့မ့ၢ်လၢပှၤကလုာ်ဂၤတဖၣ်အကျါစ့ၢ်ကီးန့ၣ်လီၤ.

1 ကရံၣ်သူး 3:17

မ်ဒ်န့ၣ်ဒီး, ပှၤတဂၤဂၤမ့ၢ်မၤဟးဂီၤကွံာ်ယွၤအတၢ်လုၢ်ဟံၣ်ဒီး, ယွၤကမၤဟးဂီၤကွံာ်အီၤလီၤ. အဂ့ၢ်ဒ်အံၤ, ကစၢ်ယွၤအတၢ်လုၢ်ဟံၣ်န့ၣ်စီဝဲဆှံဝဲ, ဒီးသုနီၢ်ကစၢ်ဒၣ်သုဝဲသုမ့ၢ်အဝဲဒၣ်အတၢ်လုၢ်ဟံၣ်လီၤ.

အ့းဖ့းစူး 1:14

သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

အ့းဖ့းစူး 3:21

တၢ်လၤကပီၤမ်အဘၣ်ကစၢ်ယွၤလၢတၢ်အိၣ်ဖှိၣ်အပူၤ ဒီးလၢယ့ၣ်ၡူးခရံာ်အပူၤအစိၤစိၤအဃၣ်ဃၣ်လီၤထူလီၤယိာ် တက့ၢ်. အၤမ့ၣ်.

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်သိၣ်လီၤသီလီၤတၢ် 14:2

သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

လံာ်သိၣ်လီၤသီလီၤတၢ် 18:2

အဝဲသ့ၣ်တဘၣ်အိၣ်ဒီးအဟီၣ်ခိၣ်ကဝီၤလၢအဂီၢ်ဒၣ်ဝဲ, ဒ်ဒူၣ်အဂၤတဖၣ်အိၣ်ဝဲအသိးန့ၣ်ဘၣ်. အဝဲသ့ၣ်အတၢ်ဟ့ၣ်နီၤန့ၣ်, ကဘၣ်မ့ၢ်ဒၣ်တၢ်အိၣ်ဒီးတၢ်ခွဲးတၢ်ယာ်လၢတၢ်ကဲဘၣ်ယွၤအပှၤလုၢ် တၢ်အခိၣ်တဖၣ်ဒ်ယွၤအၢၣ်လီၤတ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

ဖံလံးပံၤ 3:14

လၢတၢ်န့ၣ်အဃိယဃ့ၢ်ယဲလိၤလိၤဆူဖီတၢၣ်ဒ်သိးယကဒိး န့ၢ်ဘၣ်ခိၣ်ဖး, လၢအမ့ၢ်ဝဲကစၢ်ယွၤအတၢ်ကိးခီဖျိယ့ၣ်ၡူးခရံာ် ဆူတၢ်အိၣ်မူလၢထးန့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.