၁ ပ့းတရူး 2:23 - Sgaw Karen Common Bible

²³ ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

၁ ပ့းတရူး 2:23 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 31:5

ယွၤ, ကစၢ်ယွၤလၢအမ့ၢ်အတီတဂၤဧၢ, ယဟ့ၣ်လီၤယသးလၢနစုပူၤလီၤ. အဂ့ၢ်ဒ်အံၤ, နပှ့ၤက့ၤလံယၤလံ.

စံးထီၣ်ပတြၢၤ 37:5

ဟ့ၣ်လီၤနသးလၢယွၤ, နာ်အီၤဒီးအဝဲကမၤစၢၤနၤလီၤ.

စံးထီၣ်ပတြၢၤ 7:11

ကစၢ်ယွၤမ့ၢ်ပှၤစံၣ်ညီၣ်တၢ်အတီအလိၤ ဒီးစံၣ်ညီၣ်ဃၣ်ပှၤအၢပှၤသီထီဘိန့ၣ်လီၤ.

စံးထီၣ်ပတြၢၤ 96:13

အဝဲသ့ၣ်ကသးဝံၣ်တၢ်လၢ ယွၤအမဲာ်ညါ လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ. အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ ဒီးပှၤဂီၢ်မုၢ်တဖၣ်လၢအဝဲ အတၢ်မ့ၢ်တၢ်တီအပူၤန့ၣ်လီၤ.

လံာ်ယၡါယၤ 53:7

အဝဲဘၣ်တၢ်မၤအီၤနးနးကျံၤကျံၤလီၤ. ဘၣ်ဆၣ်ဒီးတူၢ်ဝဲလၢ တၢ်ဆီၣ်လီၤသးအပူၤကစုဒုလီၤ. တကတိၤတၢ်နီတဘီနီတစုဘၣ်. ဒ်သိဖိတဒုလၢအကဘၣ်တၢ်မၤသံအီၤအသိး, ဒ်သိတဒုလၢပှၤကတံာ်အဆူၣ်အသိး တကတိၤတၢ်နီတဘီနီတစုဘၣ်.

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:46

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

လံာ်လူၤကၣ် 23:9

လၢတၢ်န့ၣ်အဃိ, စီၤဟ့ၤရိာ်သံကွၢ်ယ့ၣ်ၡူးတၢ်သံကွၢ်အါထံၣ်, ဘၣ်ဆၣ်ယ့ၣ်ၡူးတစံးဆၢဝဲနီတဘီဘၣ်.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 4:29

မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

မၤတၢ် 9:1

အကတီၢ်ဖဲန့ၣ်, စီၤစီလူးကတိၤပျံၤကတိၤဖုးဒံးကစၢ်အပျဲၢ်အဘီၣ် တဖၣ်လၢအကမၤသံအဝဲသ့ၣ်န့ၣ်လီၤ. အဝဲဒၣ်လဲၤဝဲဆူပှၤလုၢ်တၢ်အခိၣ်အဒိၣ်ကတၢၢ်အအိၣ်,

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

၂ သ့းစၤလနံ 1:5

တၢ်သ့ၣ်တဖၣ်အံၤခဲလၢာ်အုၣ်အသးလၢကစၢ်ယွၤ အတၢ်စံၣ်ညီၣ်တီဝဲလိၤဝဲ, ဒီးလၢတၢ်န့ၣ်အဃိသုကကြၢးကဘၣ်ဒီးကစၢ်ယွၤအဘီ အမုၢ်လၢသုတူၢ်ဘၣ်တၢ်လၢအဃိန့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.