၁ ပ့းတရူး 2:22 - Sgaw Karen Common Bible

²² အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ပ့းတရူး 2:22 Iomraidhean Croise

စံးထီၣ်ပတြၢၤ 34:13

ဟးဆှဲးတၢ်ကတိၤအအၢအသီ ဒီးတၢ်လီတၢ်ဝ့ၤအတၢ်ကတိၤန့ၣ်တက့ၢ်.

လံာ်ယၡါယၤ 53:9

အဝဲတမၤတ့ၢ်တၢ်အၢတၢ်သီနီတစုဘၣ်ဒီးတကတိၤလီတၢ် နီတဘျီဘၣ်ဒၣ်လဲာ်န့ၣ်အဝဲဘၣ်တၢ်ပာ်လီၤအီၤလၢတၢ်သွၣ်ခိၣ် တပူၤဃုာ်ဒီးပှၤအၢပှၤသီတဖၣ်လီၤ. အဝဲဘၣ်တၢ်ခူၣ်လီၤအီၤဃုာ်ဒီးပှၤထူးပှၤတီၤလီၤ.”

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

လံာ်ယိၤဟၣ် 8:46

မတၤတဂၤလၢသုကျါအုၣ်အသးလၢယမၤတၢ်ဒဲးဘးကသ့ န့ၣ်လဲၣ်. ယမ့ၢ်ကတိၤတၢ်မ့ၢ်တၢ်တီဒီး, ဘၣ်မနုၤအဃိလၢသုတစူၢ်က့ၤနာ်က့ၤယၤန့ၣ်လဲၣ်.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.

လံာ်လီၣ်ဖျါ 14:5

အဝဲသ့ၣ်ဘၣ်တၢ်သ့ၣ်ညါအီၤလၢအတစံးကတိၤတၢ်ကဘျံး ကဘျၣ်နီတစုဘၣ်, အတၢ်ကမူၤကမၣ်တအိၣ်ဘၣ်.