၁ ပ့းတရူး 2:20 - Sgaw Karen Common Bible

²⁰ သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.

၁ ပ့းတရူး 2:20 Iomraidhean Croise

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်လူၤကၣ် 6:32

“သုမ့ၢ်အဲၣ်ထဲပှၤလၢအအဲၣ်သုတဖၣ်န့ၣ်, သုမုၢ်လၢ်လၢသုကဒိးန့ၢ်တၢ်ဆိၣ်ဂ့ၤကသ့ဝဲလၢကျဲဒ်လဲၣ်. ပှၤတၢ်ဒဲးဘးဖိတဖၣ်ဒၣ်လဲာ်အဲၣ်ဝဲပှၤလၢအအဲၣ်အီၤတဖၣ်လီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

ကလၤတံ 4:18

ဒီးခဲကနံၣ်အံၤတၢ်တိာ်ပာ်မ့ၢ်ဂ့ၤဒီး, တၢ်အိၣ်ဒီးတၢ်သးအိၣ်အဒိၣ်အယိာ်ဒ်သိးအံၤမ့ၢ်တၢ်လၢ အဂ့ၤလီၤ. အဝဲအံၤမ့ၢ်ဝဲတီဝဲထီဘိဒီးတမ့ၢ်ထဲလၢယအိၣ်ဒီး သုအခါဧိၤဘၣ်.

အ့းဖ့းစူး 5:10

ကျဲးစၢးမၤလိန့ၢ်တၢ်လၢအဘၣ်ကစၢ်ယွၤအသးန့ၣ်တက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

၁ ပ့းတရူး 2:19

သုမ့ၢ်တူၢ်ဆါသုသးလၢတၢ်နးတၢ်ဖှီၣ်လၢသုတကြၢးတူၢ် ဝဲမ့ၢ်လၢသုသ့ၣ်ညါကစၢ်ယွၤအတၢ်ဘၣ်အသးအဃိ န့ၣ်ဒီး, ကစၢ်ယွၤကဆိၣ်ဂ့ၤသုလၢတၢ်အံၤအဃိလီၤ.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၁ ပ့းတရူး 3:17

အဂ့ၢ်ဒ်လဲၣ်န့ၣ်, တၢ်အံၤမ့မ့ၢ်ကစၢ်ယွၤအတၢ်ဘၣ်အသး ဒီး, ပဘၣ်တၢ်နးတၢ်ဖှီၣ်လၢပမၤတၢ်ဂ့ၤအဃိန့ၣ်, ဂ့ၤန့ၢ်ပဘၣ်တၢ်လၢပမၤတၢ်အၢအဃိတက့ၢ်န့ၣ်လီၤ.