၁ ပ့းတရူး 2:2 - Sgaw Karen Common Bible

² မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၁ ပ့းတရူး 2:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်ဟိၤၡ့ 14:7

မၤကဒီးတစု, အဝဲသ့ၣ်ကအိၣ်ဆိး လၢယတၢ်ဒီဒၣ်အိၣ်ပှိၤအဖီလာ်န့ၣ်လီၤ. အဝဲသ့ၣ်ကသူၣ်ဘုခ့ဒီးကသၣ်ထီၣ်ဝဲဒ်စ ပံးလီၢ်တလီၢ်အသိးန့ၣ်လီၤ. အဝဲသ့ၣ်အမံၤကဟူသၣ်က ဖျါဒ်လဘၤနိၣ်အစပံးထံအသိးန့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 18:3

ဒီးစံး, “ယစံးဘၣ်သုတၢ်မ့ၢ်တၢ်တီအံၤလၢ, မ့တမ့ၢ်ဘၣ်လၢသုလဲလိာ်သုတၢ်ပာ်သူၣ်ပာ်သး, ဒီးကဲထီၣ်ဒ်ဖိသၣ်တဖၣ်အသိးဘၣ်ဒီး, သုတလဲၤနုာ်ဘၣ်ဆူမူခိၣ်ဘီမုၢ်အပူၤနီတဘျီဘၣ်.

လံာ်မးသဲ 19:14

ယ့ၣ်ၡူးစံးဝဲ, “ပျဲဖိသၣ်တဖၣ်န့ၣ်ဟဲဆူယအိၣ်တက့ၢ်. ဒီးတြီအီၤ တဂ့ၤ. အဂ့ၢ်ဒ်အံၤ မူခိၣ်အဘီအမုၢ်ဘၣ်ဃးဒီးပှၤဒ်ဖိသၣ်တဖၣ်အံၤ အသိးန့ၣ်လီၤ.”

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

လံာ်လူၤကၣ် 18:17

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤလၢ်လၢ်လၢအတတူၢ်လိာ်ကစၢ်ယွၤအဘီအမုၢ်ဒ်ဖိသၣ် တဂၤအသိးန့ၣ်, တလဲၤနုာ်ဘၣ်ဝဲလၢအပူၤနီတစုဘၣ်.”

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

အ့းဖ့းစူး 2:21

လၢအဒုးစဲဘူးဒီးဟံးဃာ်တၢ်သူၣ်ထီၣ်ဒီဖျၢၣ်ညါတပူၤဃီ သတးဒီးဒုးကဲထီၣ်အီၤလၢယွၤအတၢ်လုၢ်ဟံၣ်စီဆှံန့ၣ်လီၤ.

အ့းဖ့းစူး 4:15

မ့မ့ၢ်ခီဖျိပစံးကတိၤတၢ်မ့ၢ်တၢ်တီလၢတၢ်အဲၣ်တၢ်ကွံအပူၤ န့ၣ်, ပကဘၣ်ဒိၣ်ထီၣ်ကိးကပၤဒဲးဆူအဝဲဒၣ်လၢအမ့ၢ်တၢ် အခိၣ်, ခရံာ်အပူၤလီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.