၁ ပ့းတရူး 2:16 - Sgaw Karen Common Bible

¹⁶ အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.

၁ ပ့းတရူး 2:16 Iomraidhean Croise

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်ယိၤဟၣ် 15:22

ယမ့ၢ်တဟဲဒီးကတိၤတၢ်ဒီးအဝဲသ့ၣ်ဘၣ်န့ၣ်, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ကတိၤပူၤဖျဲးအသးလၢအတၢ်ဒဲးဘးန့ၣ် တသ့လၢၤဘၣ်.

ရိမ့ၤ 6:18

သုဘၣ်တၢ်မၤထူၣ်ဖျဲးထီၣ်သုလၢတၢ်ဒဲးဘးအပူၤ ဒီးသုကဲထီၣ်တၢ်တီတၢ်လိၤအကုၢ်တဖၣ်န့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

1 ကရံၣ်သူး 7:22

အဂ့ၢ်ဒ်အံၤ, ကုၢ်တဂၤလၢအဘၣ်တၢ်ကိးတ့ၢ်အီၤလၢ ကစၢ်န့ၣ်, မ့ၢ်ကစၢ်အပှၤသဘျ့တဂၤလီၤ. လၢကျဲတဘိဃီန့ၣ်, ပှၤသဘျ့တဂၤလၢအဘၣ်တၢ်ကိးတ့ၢ်အီၤလၢ ခရံာ်န့ၣ်, မ့ၢ်အဝဲဒၣ်အကုၢ်လီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

အ့းဖ့းစူး 6:6

တမ့ၢ်ဘၣ်ဒ်ပှၤလၢအမၤတၢ်လၢပှၤကညီကထံၣ်, ဒီးဘၣ်သူၣ်ဘၣ်သးအီၤအဂီၢ်အသိးန့ၣ်ဘၣ်. မ့မ့ၢ်လၢသုသးဒီဖျၢၣ်ညါန့ၣ်မၤတၢ်ဘၣ်ကစၢ်ယွၤအသးဒ်ခရံာ် အကုၢ်တဖၣ်အသိးန့ၣ်တက့ၢ်.

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.

ယၤကိာ် 2:12

ကတိၤဒီးမၤတၢ်ဒ်ပှၤတဖၣ်လၢအကဘၣ်တၢ်စံၣ်ညီၣ်အီၤ လၢတၢ်သိၣ်တၢ်သီလၢအမၤထူၣ်ဖျဲးတၢ်အသိးန့ၣ်တက့ၢ်.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.