၁ ပ့းတရူး 2:13 - Sgaw Karen Common Bible

¹³ လၢကစၢ်အဃိန့ၣ်, ပာ်လီၤသုသးလၢဟီၣ်ခိၣ်တၢ်စိတၢ် ကမီၤခဲလၢာ်, ဒီးစီၤပၤလၢအမ့ၢ်တၢ်စိတၢ်ကမီၤအဒိၣ်ကတၢၢ် အဖီလာ်,

၁ ပ့းတရူး 2:13 Iomraidhean Croise

တၢ်ကတိၤဒိ. 17:11

တၢ်သံကဟဲဝဲဒၣ်ဒ်ပှၤစိာ်တၢ်ကစီၣ်အအၢတဂၤအသိးဆူပှၤ တတီတလိၤတဖၣ်လၢအထိၣ်ဟူးထိၣ်ဂဲၤထီၣ်တၢ်ကီတၢ်ခဲ တဘိယူၢ်ဃီန့ၣ်လီၤ.

တၢ်ကတိၤဒိ. 24:21

ယဖိခွါဧၢ, ယူးယီၣ်ယွၤတက့ၢ်. ဒီးပာ်ကဲစီၤပၤတက့ၢ်. မၤဃါဃုာ်နသးဒီးပှၤလၢအပူထီၣ်ထီဒါအဝဲသ့ၣ်တဂ့ၤ.

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်မးသဲ 22:21

အဝဲသ့ၣ်စံးဆၢဝဲ, “မ့ၢ်ရိမ့ၤအစီၤပၤဖးဒိၣ်အခိၣ်အဂီၤဒီးအမံၤလီၤ.” တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, တၢ်လၢအဘၣ်ဃးဒီးရိမ့ၤအစီၤပၤဖးဒိၣ်န့ၣ်, ဟ့ၣ်ရိမ့ၤအစီၤပၤဖးဒိၣ်, ဒီးတၢ်လၢအဘၣ်ဃးဒီးကစၢ်ယွၤန့ၣ်, ဟ့ၣ်ကစၢ်ယွၤတက့ၢ်.”

လံာ်မၢ်ကူး 12:17

ယ့ၣ်ၡူးစံးဘၣ်အဝဲသ့ၣ်, “ဂ့ၤလံ, မ့မ့ၢ်ဒ်န့ၣ်ဒီး ရိမ့ၤအစီၤပၤဖးဒိၣ် အတၢ်န့ၣ်ဟ့ၣ်ရိမ့ၤအစီၤပၤဖးဒိၣ်, ဒီးကစၢ်ယွၤအတၢ်န့ၣ်ဟ့ၣ်ကစၢ်ယွၤတက့ၢ်.” ယ့ၣ်ၡူးစံးတၢ်အံၤဒုးကမၢကမၣ်အဝဲသ့ၣ်ဒိၣ်ဒိၣ်ကလဲာ်လီၤ.

လံာ်လူၤကၣ် 20:25

မၤသးဒ်န့ၣ်ဒီးယ့ၣ်ၡူးစံးဝဲ, “မ့မ့ၢ်ဒ်န့ၣ်ဒီး, ဟ့ၣ်ကဲစၢ်လၢကဲစၢ်အတၢ်, ဒီးဟ့ၣ်ကစၢ်ယွၤလၢကစၢ်ယွၤအတၢ်တက့ၢ်.”

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

တံတူး 3:1

ဒုးသ့ၣ်နီၣ်ထီၣ်က့ၤအဝဲသ့ၣ်လၢအကဆီၣ်လီၤအသးလၢ ပှၤပၢတၢ်ဒီးပဒိၣ်ပပှၢ်တဖၣ်အဖီလာ်ဒီးကစူၢ်အကလုၢ်, ဒီးကအိၣ်ကတဲာ်ကတီၤအသးလၢကမၤဂ့ၤတၢ်လၢကျဲကိးဘိဒဲး အဂီၢ်န့ၣ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.