၁ ပ့းတရူး 2:11 - Sgaw Karen Common Bible

¹¹ ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

၁ ပ့းတရူး 2:11 Iomraidhean Croise

လံာ်တၢ်ကဲထီၣ်အခီၣ်ထံး 21:34

စီၤအၤဘြၤဟၣ်အိၣ်ဝဲဆိးဝဲလၢပှၤဖလ့ၡသးဖိအကီၢ်ပူၤအါနံၣ်အါလါန့ၣ်လီၤ.

လံာ်တၢ်ကဲထီၣ်အခီၣ်ထံး 23:4

“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

စံးထီၣ်ပတြၢၤ 119:19

ယမ့ၢ်ဒၣ်ပှၤသမှံၤလၢဟီၣ်ခိၣ်ချၢအံၤလီၤ. သုတပာ်ခူသူၣ်နတၢ်မၤလိာ်တဖၣ်လၢယၤတဂ့ၤ.

စံးထီၣ်ပတြၢၤ 119:54

နတၢ်သိၣ်တၢ်သီန့ၣ်မ့ၢ်ယတၢ်သးဝံၣ်တဖၣ် ဖဲယအိၣ်သမှံၤလၢဟီၣ်ခိၣ်အံၤအပူၤန့ၣ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 7:23

ဘၣ်ဆၣ်ဒီး ယထံၣ်တၢ်သိၣ်တၢ်သီအဂၤတခါမၤတၢ်လၢယနီၢ်ခိ အပူၤလီၤ. မ့ၢ်တၢ်သိၣ်တၢ်သီတခါလၢအဒုးလိာ်ယၤလိာ်အသးဒီး တၢ်သိၣ်တၢ်သီလၢအဘၣ်ယသးန့ၣ်လီၤ. ဒုးကဲထီၣ်ယၤလၢတၢ်ဒဲးဘးအတၢ်သိၣ်တၢ်သီလၢအမၤ တၢ်လၢယနီၢ်ခိအပူၤအကုၢ်တဂၤန့ၣ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

အ့းဖ့းစူး 2:19

လၢတၢ်န့ၣ်အဃိ, သုဝဲလၢအမ့ၢ်ပှၤကလုာ်အဂၤတဖၣ်န့ၣ် သုတမ့ၢ်ပှၤတခီထံတခီကီၢ်ဖိဒီးပှၤသမှံၤတဖၣ်လၢၤဘၣ်. မ့မ့ၢ်သုမ့ၢ်ပှၤထံဖိကီၢ်ဖိသကိးဒီးကစၢ်ယွၤအပှၤဂီၢ်မုၢ်ဒီး ကစၢ်ယွၤအဒူၣ်ဖိထၢဖိတဖၣ်န့ၣ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 6:9

ပမ့ၢ်ကတိၤတၢ်ဒ်အံၤဘၣ်ဆၣ်ဒီး, တံၤသကိးသးဘိသ့ၣ်ဧၢ, ဖဲအဘၣ်ဃးဒီးသုန့ၣ်, ပနာ်သပှၢ်ကတၢၢ်လၢသုအိၣ်ဒီးတၢ်ဆိၣ်ဂ့ၤလၢအဂ့ၤဒၣ် တၢ်တက့ၢ်လၢအဘၣ်ဃးဒီးတၢ်အုၣ်က့ၤခီၣ်က့ၤန့ၣ်လီၤ.

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၂ ပ့းတရူး 3:1

တံၤသကိးသးဘိသ့ၣ်ဧၢ, အအံၤမ့ၢ်လံာ်ပရၢခံဘ့ၣ်တဘ့ၣ် လၢယကွဲးန့ၢ်သုလီၤ. လၢလံာ်ပရၢခံဘ့ၣ်လိာ်အပူၤန့ၣ်ယကျဲးစၢးထိၣ်ဂဲၤတ့ၢ်လံသုဒ်သိး သုကဆိကမိၣ်တၢ်လၢအဂ့ၤအဘၣ်ခီဖျိယဒုးသ့ၣ်နီၣ်သုတၢ်သ့ၣ် တဖၣ်အံၤန့ၣ်လီၤ.