၁ ပ့းတရူး 2:1 - Sgaw Karen Common Bible

¹ လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.

၁ ပ့းတရူး 2:1 Iomraidhean Croise

လံာ်စီၤယိၤဘး 36:13

ပှၤတဖၣ်လၢ အအိၣ်ဒီးသးလၢတစူၢ်တနာ်ယွၤန့ၣ်, သးဒိၣ်ထီၣ်တထံၣ် ဃီဒီးဖဲအဘၣ်တၢ်စံၣ်ညီၣ်အီၤဒၣ်လဲာ်န့ၣ်, တကိးထီၣ်ဝဲလၢ တၢ်မၤစၢၤအဂီၢ်ဘၣ်.

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 34:13

ဟးဆှဲးတၢ်ကတိၤအအၢအသီ ဒီးတၢ်လီတၢ်ဝ့ၤအတၢ်ကတိၤန့ၣ်တက့ၢ်.

စံးထီၣ်ပတြၢၤ 37:1

တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

တၢ်ကတိၤဒိ. 14:30

သးအတၢ်ဃူတၢ်ဖိးန့ၣ်, ဟ့ၣ်နီၢ်ခိအတၢ်အိၣ်ဆူၣ်အိၣ်ချ့လီၤ. မ့မ့ၢ်တၢ်သူၣ်က့ၣ်သးကါန့ၣ်မၤအသးဒ်တၢ်ဆါအုၣ်လီၤသပှီၤအသိး န့ၣ်လီၤ.

တၢ်ကတိၤဒိ. 24:1

သူၣ်က့ၣ်သးကါပှၤအၢပှၤသီတဖၣ်တဂ့ၤ. ဒီးကျဲးစၢးဒီတံၤဒီသကိးဒီးအဝဲသ့ၣ်တဂ့ၤ.

တၢ်ကတိၤဒိ. 24:19

ပျဲပှၤအအၢအသီတဖၣ်မၤကိၢ်မၤဂီၤနၤတဂ့ၤ. သူၣ်က့ၣ်သးကါအဝဲသ့ၣ်တဂ့ၤ.

တၢ်ကတိၤဒိ. 3:31

သူၣ်က့ၣ်သးကါပှၤမၤအၢမၤသီတၢ်တဖၣ်မ့ၢ်ဂ့ၤဆၢမၤတၢ်ဒ်အဝဲသ့ၣ် မၤဝဲအသိးမ့ၢ်ဂ့ၤန့ၣ်တဂ့ၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မးသဲ 23:28

ဒ်န့ၣ်အသိးလၢအချၢန့ၣ်သုအိၣ်ဖျါဂ့ၤမးလၢပှၤကိးဂၤဒဲး အမဲာ်ညါလီၤ. ဘၣ်ဆၣ်ဒီး, သုသးပူၤတခီပှဲၤဝဲဒီးတၢ်ပာ်မၤအသးဒီး တၢ်ဒဲးဘးတဖၣ်လီၤ.

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်မးသဲ 7:5

ပှၤပာ်မၤအသးနၤဧၢ, ထုးထီၣ်ဆိကွံာ်သ့ၣ်အကျီၣ်လၢအအိၣ်လၢနမဲာ်ချံဒၣ်နဲအပူၤဒ် သိးနကထံၣ်တၢ်ထံထံလၢနကထုးထီၣ်တၢ်ကမှံၤလၢအအိၣ်လၢ နဒီပုၢ်ဝဲၢ်အမဲာ်ချံအပူၤန့ၣ်တက့ၢ်.

လံာ်မၢ်ကူး 12:15

ဘၣ်ဆၣ်ဒီးယ့ၣ်ၡူးသ့ၣ်ညါန့ၢ်အတၢ်ပာ်မၤအသးသတးဒီးစံးဆၢ အဝဲသ့ၣ်, “ဘၣ်မနုၤသုဘၣ်သံကွၢ်သံဒိးယၤဒ်သိးသုကဖီၣ်န့ၢ်ယၤလၢ ယတၢ်ကတိၤဒၣ်ယဲန့ၣ်လဲၣ်. ဟဲစိာ်န့ၢ်ယၤစ့ဒန့ၤရံတဘ့ၣ်ဒီးပျဲယကွၢ်အီၤတက့ၢ်.”

လံာ်လူၤကၣ် 11:44

သုဘၣ်အဖှီၣ်ဆံးဒိၣ်လဲၣ်. သုလီၤဂာ်ဒီးတၢ်သွၣ်ခိၣ်လၢ အတဘၣ်တၢ်မၤနီၣ်မၤဃါအီၤတဖၣ်, လၢပှၤကညီဟးလၢအဖီခိၣ်ဒီးတသ့ၣ်ညါဝဲဘၣ်န့ၣ်လီၤ.”

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 6:42

နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

၁ သ့းစၤလနံ 2:3

ပတၢ်သဆၣ်ထီၣ်သုခံန့ၣ်တမ့ၢ်လၢတၢ်ကမူၤကမၣ်အပူၤမ့ၢ်ဂ့ၤ, တၢ်ပာ်သူၣ်ပာ်သးအတကဆှီတဖၣ်အပူၤမ့ၢ်ဂ့ၤန့ၣ်ဘၣ်. ပတဂုာ်ကျဲးစၢးလီန့ၢ်စ့ၢ်ကီးပှၤနီတဂၤဘၣ်.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ပ့းတရူး 3:10

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၁ ပ့းတရူး 4:4

သတးဒီးခဲအံၤ, ပှၤတသ့ၣ်ညါယွၤတဖၣ်ကမၢကမၣ်ဝဲဒၣ်လၢ သုတမၤဃုာ်ဒီးအဝဲသ့ၣ်လၢအတၢ်အိၣ်မူအရၢၢ်အစၢၢ်, ဒီးအတၢ်တပလီၢ်အသးအပူၤ, ဒီးလၢတၢ်န့ၣ်အဃိအဝဲသ့ၣ်ဒုၣ်ဒွဲၣ်စံးအၢသုန့ၣ်လီၤ.

လံာ်လီၣ်ဖျါ 14:5

အဝဲသ့ၣ်ဘၣ်တၢ်သ့ၣ်ညါအီၤလၢအတစံးကတိၤတၢ်ကဘျံး ကဘျၣ်နီတစုဘၣ်, အတၢ်ကမူၤကမၣ်တအိၣ်ဘၣ်.