၁ ပ့းတရူး 1:8 - Sgaw Karen Common Bible

⁸ သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ပ့းတရူး 1:8 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 1:7

ယတၢ်အဲၣ်ဧၢ, တဲယၤလၢနကလဲၤဒုးအီၣ်နသိတဖၣ်အဆၣ်ဖဲလဲၣ်, ဒီးနကဒုးအိၣ်ဘှံးအဝဲသ့ၣ်လၢမုၢ်ထူၣ်အဆၢကတီၢ်န့ၣ်ဖဲလဲၣ်. ဘၣ်မနုၤလၢယကဘၣ်ဟးဝ့ၤဝီၤဒီးဃုနၤလၢသိအဂၤတဖၣ်အပှၤကွၢ် သိအကျါန့ၣ်လဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်တၢ်သးဝံၣ်တဖၣ်အတၢ်သးဝံၣ် 5:9

ပှၤဃံလၤကတၢၢ်လၢပိာ်မုၣ်တဖၣ်အကျါတဂၤဧၢ, မ့ၢ်ပှၤလၢနအဲၣ်တဂၤလီၤဆီဒီးပှၤအဂၤန့ၣ်ဧါ. လၢပကဘၣ်ဟ့ၣ်နၤပတၢ်အၢၣ်လီၤအဂီၢ်န့ၣ်, တၢ်လၢအမၤလီၤဆီအဝဲဒီးပှၤအဂၤမ့ၢ်တၢ်မနုၤလဲၣ်.

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 14:24

ပှၤတဂၤလၢ်လၢ်လၢအတအဲၣ်ယၤန့ၣ်, တတိၢ်န့ၢ်ဒီးမၤထွဲ ယကလုၢ်ကထါဘၣ်. ဒီးတၢ်ကတိၤတဖၣ်လၢသုနၢ်ဟူလၢယၤန့ၣ်, တမ့ၢ်ယတၢ်ဒၣ်ယဲဘၣ်. မ့မ့ၢ်ဟဲလၢပၢ်လၢအမၢလီၤယၤတဂၤ အအိၣ်န့ၣ်လီၤ.

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

လံာ်ယိၤဟၣ် 20:29

ယ့ၣ်ၡူးစံးဘၣ်အီၤ, “မ့ၢ်နထံၣ်ဘၣ်ယၤအဃိနနာ် တၢ်ဧါ. ပှၤလၢအတထံၣ်ဘၣ်ယၤသနာ်က့နာ်တၢ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.”

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

မၤတၢ် 16:34

အဝဲဒၣ်က့ၤကိးစီၤပီလူးဒီးစီၤစံလၤဆူအဟံၣ်ဒီးဟ့ၣ်အီၤ တၢ်အီၣ်လၢအကအီၣ်ဝဲအဂီၢ်လီၤ. အဝဲဒီးအပှၤဟံၣ်ဖိဃီဖိတဖၣ်အသးပှဲၤဒီးတၢ်သူၣ်ခု သးခုမ့ၢ်လၢအဝဲသ့ၣ်စူၢ်က့ၤနာ်က့ၤလံကစၢ်ယွၤအဃိ န့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

၂ ကရံၣ်သူး 1:22

ပာ်လီၤတ့ၢ်အတၢ်ပနီၣ်ဒၣ်ဝဲလၢပလိၤဒ်သိးကပာ်ဖျါဝဲလၢအမ့ၢ် ပကစၢ်, ဒီးဟ့ၣ်တ့ၢ်ပှၤသးစီဆှံလၢပသးပူၤဒ်တၢ်အုၣ်ခီၣ် အသးလၢတၢ်ခဲလၢာ်လၢအအိၣ်ကတဲာ်ကတီၤပာ်စၢၤဝဲလၢ ပဂီၢ်န့ၣ်လီၤ.

၂ ကရံၣ်သူး 12:4

ဒီးဖဲန့ၣ်အဝဲနၢ်ဟူတၢ်သ့ၣ်တဖၣ်လၢတၢ်တဲဖျါထီၣ်က့ၤ အီၤလၢတၢ်ကတိၤတသ့ဘၣ်. တၢ်သ့ၣ်တဖၣ်လၢပှၤကညီအနိးဖံးကတိၤဖျါလၢအဂ့ၢ်တသ့ ဘၣ်န့ၣ်လီၤ.

၂ ကရံၣ်သူး 4:18

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

၂ ကရံၣ်သူး 5:7

အဂ့ၢ်ဒ်အံၤ, ပတၢ်အိၣ်မူမ့ၢ်တၢ်လၢအဘၣ်ဃးဒီးတၢ်စူၢ် တၢ်နာ်လီၤ. တမ့ၢ်တၢ်လၢအဘၣ်တၢ်ထံၣ်အီၤသ့န့ၣ်ဘၣ်.

၂ ကရံၣ်သူး 9:15

မ်ပကစံးဘျုးယွၤလၢအတၢ်ဟ့ၣ်လၢအဒိၣ်မးဝဲတုၤပဒွး အလုၢ်အပှ့ၤတသ့ဘၣ်အဃိန့ၣ်တက့ၢ်.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

ဖံလံးပံၤ 1:25

ယသးတဒ့ဒီလၢတၢ်ဂ့ၢ်အံၤဘၣ်. ဒီးလၢတၢ်န့ၣ်အဃိယသ့ၣ်ညါလၢယကအိၣ်မူဒံးလီၤ. ယကအိၣ်မူဒံးဒီးသုခဲလၢာ်ဒ်သိးကမၤအါထီၣ်သုတၢ်လဲၤထီၣ် လဲၤထီဒီးသုတၢ်သးခုလၢတၢ်စူၢ်တၢ်နာ်အပူၤန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

ဧ့ၤဘြံၤ 11:1

တၢ်စူၢ်တၢ်နာ်မ့ၢ်တၢ်လၢအမၤဂၢၢ်မၤကျၢၤတၢ်လၢပမုၢ်လၢ်ပဝဲ တဖၣ်ဒီးဒုးသ့ၣ်ညါလီၤတံၢ်ပှၤတၢ်တဖၣ်လၢပထံၣ်အီၤတသ့ဘၣ် န့ၣ်လီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.

၁ ပ့းတရူး 1:6

အခဲအံၤအလီၢ်မ့ၢ်အိၣ်လၢသုဂီၢ်လၢသုကဘၣ်သူၣ်အုးသးအုး တစိၢ်တလီၢ်လၢတၢ်မၤကွၢ်အါကလုာ်လၢသုဘၣ်တူၢ်အီၤ အဃိဒၣ်လဲာ်, သူၣ်ခုသးခုလၢတၢ်အံၤအဃိတက့ၢ်.

၁ ပ့းတရူး 2:7

လၢၢ်အံၤအိၣ်ဒီးအလုၢ်အပှ့ၤဖးဒိၣ်လၢသုဝဲလၢအနာ်တၢ် တဖၣ်အဂီၢ်, မ့မ့ၢ်ပှၤလၢအတနာ်တၢ်တဖၣ်အဂီၢ်န့ၣ်, “လၢၢ်လၢပှၤသူၣ်ထီၣ်တၢ်တဖၣ်ညိကွံာ်ဝဲ ဒ်အမ့ၢ်တၢ်လၢအလုၢ်အပှ့ၤတအိၣ်အံၤ ကဲထီၣ်လၢၢ်လၢအကါဒိၣ်ကတၢၢ်တဖျၢၣ်န့ၣ်လီၤ” (စံး ၁၁၈:၂၂, ၂၃).

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.