၁ ပ့းတရူး 1:7 - Sgaw Karen Common Bible

⁷ အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 1:7 Iomraidhean Croise

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

တၢ်ကတိၤဒိ. 8:19

တၢ်လၢသုဒိးန့ၢ်လၢယအိၣ်န့ၣ်ဂ့ၤဒိၣ်န့ၢ်ထူအစီ, ဒီးဂ့ၤဒိၣ်န့ၢ်စ့အကဆှီကတၢၢ်တက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:14

ဘၣ်ဆၣ်သူလၢာ်ကွံာ်ဝဲခဲလၢာ်ခီဖျိတၢ်မၤအအၢတမံၤအဃိ, ဒီးအကတၢၢ်န့ၣ်ကဟ့ၣ်သါအဖိတဖၣ်အဂီၢ်တၢ်တအိၣ်နီတမံၤ လၢၤဘၣ်လီၤ.

လံာ်ယၡါယၤ 48:10

ယမၤကွၢ်တ့ၢ်သုလၢတၢ်နးတၢ်ဖှီၣ်အမ့ၣ်အူအပူၤ, ဒ်စ့ဘၣ်တၢ်ပှံၢ်အီၤလၢမ့ၣ်အူအဖၣ်ကပူၤအသိးလီၤ. ဘၣ်ဆၣ်ယထံၣ်တ့ၢ်လၢသုလုၢ်သုပှ့ၤတအိၣ်ဘၣ်.

လံာ်ယံးရမံယၤ 48:36

လၢတၢ်န့ၣ်အဃိ ယသးအတၢ်သးအုးအသီၣ်လၢ ကီၢ်မိၤအးအဂီၢ်ဒီးလၢဝ့ၢ်ကံၢ်ဃ့ရ့းအပှၤဂီၢ်မုၢ်အဃိန့ၣ်, လီၤဂာ်ဒ်ပှၤတဂၤအူတၢ်သံအတၢ်သးဝံၣ်တယုၢ်လၢပံအသိးန့ၣ်လီၤ. အဂ့ၢ်ဒ်အံၤ, တၢ်လၢအမ့ၢ်အဝဲသ့ၣ် အတၢ်ခဲလၢာ်န့ၣ်, လီၤမၢ်ကွံာ်လံ.

လံာ်ယံးရမံယၤ 9:7

လၢတၢ်အံၤအဃိယွၤသ့တၢ်လၢာ်စံးဝဲဒၣ်, “ယကပှံၢ်ယပှၤဂီၢ်မုၢ်ဒ်တိၢ်စ့ထးအသိး, ဒီးမၤကွၢ်အဝဲသ့ၣ်န့ၣ်လီၤ. ယပှၤဂီၢ်မုၢ်မၤတ့ၢ်တၢ်အၢတၢ်သီလံ. ယသူအဝဲသ့ၣ်လၢတၢ်အဂုၤအဂၤအဂီၢ်ကသ့ဒ်လဲၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

လံာ်တၢ်ဂံၢ် 5:28

မ့မ့ၢ်အဝဲအတၢ်ကမၣ်မ့ၢ်တအိၣ်ဘၣ်ဒီး, တၢ်တမၤဆါအီၤဘၣ်ဒီးအဝဲ ဒၢထီၣ်ဖိတဖၣ်ကသ့ဝဲန့ၣ်လီၤ.

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 25:21

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 25:23

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 17:30

တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

မၤတၢ် 8:20

စီၤပ့းတရူးစံးဆၢက့ၤအီၤ, “မ့ၢ်လၢနဆိကမိၣ်နဲလၢကစၢ်ယွၤ အတၢ်ဟ့ၣ်န့ၣ်နပှ့ၤအီၤလၢစ့ကန့ၢ်အဃိ, မ်နၤဒီးနစ့ကလီၤဒၣ်ဝဲဆူလရာ်ပူၤန့ၣ်တက့ၢ်.

ရိမ့ၤ 2:10

ဘၣ်ဆၣ်ဒီးကစၢ်ယွၤကဟ့ၣ်တၢ်လၤတၢ်ကပီၤ, တၢ်ယူးယီၣ်, ဒီးတၢ်ဃူတၢ်ဖိးလၢပှၤမၤတၢ်ဂ့ၤတၢ်ဝါခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ပ့းတရူး 2:4

ဟဲဆူကစၢ်အအိၣ်, လၢအမ့ၢ်လၢၢ်မူတဖျၢၣ်လၢအဘၣ်တၢ်ညိကွံာ်အီၤလၢပှၤကညီဒ်တၢ် အလုၢ်အပှ့ၤတအိၣ်ဘၣ်အသိး, ဘၣ်ဆၣ်ဘၣ်တၢ်ဃုထၢအီၤလၢကစၢ်ယွၤဒ်တၢ်လုၢ်ဒိၣ်ပှ့ၤဒိၣ် အသိးန့ၣ်တက့ၢ်.

၁ ပ့းတရူး 2:7

လၢၢ်အံၤအိၣ်ဒီးအလုၢ်အပှ့ၤဖးဒိၣ်လၢသုဝဲလၢအနာ်တၢ် တဖၣ်အဂီၢ်, မ့မ့ၢ်ပှၤလၢအတနာ်တၢ်တဖၣ်အဂီၢ်န့ၣ်, “လၢၢ်လၢပှၤသူၣ်ထီၣ်တၢ်တဖၣ်ညိကွံာ်ဝဲ ဒ်အမ့ၢ်တၢ်လၢအလုၢ်အပှ့ၤတအိၣ်အံၤ ကဲထီၣ်လၢၢ်လၢအကါဒိၣ်ကတၢၢ်တဖျၢၣ်န့ၣ်လီၤ” (စံး ၁၁၈:၂၂, ၂၃).

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.