၁ ပ့းတရူး 1:25 - Sgaw Karen Common Bible

²⁵ မ့မ့ၢ်, ကစၢ်ယွၤအကလုၢ်ကထါအိၣ်ဝဲဆိးဝဲ လီၤထူလီၤယိာ်လီၤ” (ၡါ ၄၀:၆-၈). ဒီးတၢ်ကလုၢ်အံၤမ့ၢ်တၢ်သးခုကစီၣ်လၢအဘၣ်တၢ်စံၣ်တဲၤတဲလီၤ န့ၢ်သုန့ၣ်လီၤ.

၁ ပ့းတရူး 1:25 Iomraidhean Croise

စံးထီၣ်ပတြၢၤ 102:12

မ့မ့ၢ်နဲဒၣ်နၤ, ယွၤဧၢ, နပၢတၢ်လီၤစိၤလီၤထီ ဒီးနတၢ်မံၤဟူသၣ်ဖျါန့ၣ် ကအိၣ်ဝဲဆိးဝဲလၢ ကယဲၢ်စိၤခဲလၢာ်အပူၤလီၤ.

စံးထီၣ်ပတြၢၤ 102:26

တၢ်တဖၣ်န့ၣ်ကလီၤမၢ်ကွံာ်ဝဲ, မ့မ့ၢ်နဲဒၣ်အံၤနကအိၣ်ကဆိးဒံးနဲလီၤ. အဝဲသ့ၣ်ကလီၢ်လံၤခဲလၢာ်ဒ်ဆ့ကၤတဖၣ်အသိး, ဒီးနကစူးကွံာ်အီၤဒ် ဆ့ကၤတဖၣ်အသိး ဒီးကဟါမၢ်ကွံာ်ဝဲလီၤ.

စံးထီၣ်ပတြၢၤ 119:89

ယွၤဧၢ, နကလုၢ်ကထါအိၣ်ဂၢၢ်ဆိးကျၢၤလၢ မူခိၣ်အပူၤလီၤစိၤလီၤထီလီၤ.

လံာ်ယၡါယၤ 40:6

တၢ်အကလုၢ်ကိးထီၣ်ဝဲ, “တဲဖျါတၢ်ကစီၣ်တမံၤတက့ၢ်.” ယသံကွၢ်, “ယကဘၣ်တဲဖျါတၢ်ကစီၣ်မနုၤလဲၣ်.” “တဲဖျါလၢပှၤဟီၣ်ခိၣ်ဖိခဲလၢာ်လီၤဂာ်ဒီးနီၣ်ဧိၤမံၤဧိၤလီၤ. တခီၣ်ယံာ်ထဲသိးဒီးဖီအမံၤတဖၣ်ဒၣ်လဲာ်ဘၣ်လီၤ.

လံာ်ယၡါယၤ 40:8

မ့ၢ်လီၤ. နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံး လီၤဘဲဝဲလီၤ. မ့မ့ၢ်ပကစၢ်ယွၤအကလုၢ်အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ.”

လံာ်မးသဲ 5:18

ယစံးဘၣ်တဲဘၣ်သုတၢ်မ့ၢ်တၢ်တီအံၤလီၤ. တချုးဒံးဘၣ်လၢမူခိၣ်ဒီးဟီၣ်ခိၣ် အစိၤကတၢၢ်ဝဲဒီးတၢ်သိၣ်တၢ်သီခဲလၢာ်လၢထီၣ်ပှဲၤထီၣ်ဝဲန့ၣ်, လံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ်ဖိတဖျၢၣ်, အနၢၣ်ဖိတနၢၣ်ဒၣ်လဲာ်တဘၣ်တၢ်မၤဟးဂီၤအီၤဘၣ်.

လံာ်လူၤကၣ် 16:17

ဘၣ်ဆၣ်ဒီးမူခိၣ်ဒီးဟီၣ်ခိၣ်န့ၣ် လီၤမၢ်ကွံာ်ဝဲညီန့ၢ်ဒံးလံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ် တဖျၢၣ်ကလီၤမၢ်ကွံာ်ဝဲတက့ၢ်လီၤ.

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

1 ကရံၣ်သူး 2:2

အဂ့ၢ်ဒ်အံၤ, ဖဲယအိၣ်ဒီးသုန့ၣ်, ယပာ်လီၤတ့ၢ်ယသးဒ်သိးယကသးပ့ၤနီၣ်ကွံာ်တၢ်ခဲလၢာ် ဒီးသ့ၣ်နီၣ်ထီၣ်က့ၤထဲယ့ၣ်ၡူးခရံာ်ဒီးလီၤဆီဒၣ်တၢ်အဝဲ အတၢ်သံလၢထူၣ်စုညါအလိၤန့ၣ်လီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

တံတူး 1:3

ဒီးတုၤတၢ်ဆၢကတီၢ်ဘၣ်ဒီးအဝဲလီၣ်ဖျါထီၣ်အီၤလၢအတၢ်ကစီၣ် အပူၤလီၤ. တၢ်အံၤဘၣ်တၢ်ဟ့ၣ်လီၤယၤ, ဒီးယတဲဖျါထီၣ်အီၤဒ်ကစၢ်ယွၤလၢအအုၣ်က့ၤခီၣ်က့ၤပှၤ အတၢ်ဟ့ၣ်လီၤခါလီၤအကလုၢ်အသိးန့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.