၁ ပ့းတရူး 1:24 - Sgaw Karen Common Bible

²⁴ ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

၁ ပ့းတရူး 1:24 Iomraidhean Croise

လံာ်စီၤပၤခံဘ့ၣ်တဘ့ၣ် 19:26

ပှၤဂီၢ်မုၢ်လၢအအိၣ်ဝဲဆိးဝဲဖဲန့ၣ်အစိအကမီၤတအိၣ်ဘၣ်. အဝဲသ့ၣ်ပျံၤတၢ်ဖုးတၢ်ဒီးအသးလီၤကတုၤဝဲလီၤ. အဝဲသ့ၣ်လီၤဂာ်ဒ်တပံၢ်တမါလၢပျီတဘ့ၣ်အပူၤအသိးမ့ၢ်ဂ့ၤ, နီၣ် တဖၣ်လၢအမဲထီၣ်လၢတၢ်ခိၣ်ဒူတခါအလိၤမ့ၢ်ဂ့ၤ, ဖဲမုၢ်ထီၣ်ကလံၤ ကိၢ်အူဘၣ်အီၤဆူၣ်ဆူၣ်န့ၣ်လီၤ.

လံာ်စီၤယိၤဘး 14:2

ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

စံးထီၣ်ပတြၢၤ 102:4

ယဘၣ်တၢ်တီၢ်လီၤကွံာ်အီၤဒ်နီၣ်ဧိၤမံၤဧိၤလၢ အဃ့ထီၣ်ကွံာ်အသိးန့ၣ်လီၤ. ယသးပ့ၤနီၣ်လၢယကအီၣ်ယကိၣ်လီၤ.

စံးထီၣ်ပတြၢၤ 103:15

တၢ်လၢပှၤကညီအံၤ, အမုၢ်နံၤမၤအသးဒ် နီၣ်ဧိၤမံၤဧိၤအသိးလီၤ. အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.

စံးထီၣ်ပတြၢၤ 129:6

မ်အမၤအသးဒ်တပံၢ်လၢအမဲထီၣ်လၢဟံၣ်ခိၣ်တဖၣ် လၢအဃ့ထီကွံာ်ဝဲ တချုးလၢအဒိၣ်ထီၣ်န့ၣ်တက့ၢ်.

စံးထီၣ်ပတြၢၤ 37:2

အဂ့ၢ်ဒ်အံၤ, တယံာ်ဘၣ်ဒီး အဝဲသ့ၣ်ကလီၤညွံးကွံာ်ဝဲဒ်တပံၢ်အသိး ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 90:5

နစိာ်ကွံာ်ပှၤဒ်ထံလုၣ်ဘၢတၢ်အသိး, ဒီးပတၢ်အိၣ်မူမၤအသးဒ်တၢ်မံမီၢ်အသိး, ဒီးဒ်တပံၢ်လၢအမဲထီၣ်လၢမုၢ်ဂီၤအသိး,

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၁ ယိၤဟၣ် 2:17

ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်လၢပှၤကညီ သူၣ်လီသးကွံဝဲန့ၣ်ကလဲၤပူၤကွံာ်ဝဲ, ဘၣ်ဆၣ်ပှၤလၢအမၤတၢ်ဘၣ်ကစၢ်ယွၤအသးန့ၣ်အိၣ်မူဝဲလီၤ ထူလီၤယိာ်လီၤ.