၁ ပ့းတရူး 1:2 - Sgaw Karen Common Bible

² သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ပ့းတရူး 1:2 Iomraidhean Croise

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 65:22

ယပှၤဂီၢ်မုၢ်ကအိၣ်မူတၢ်အိၣ်မူအိၣ်ကၢအိၣ်ခိးဒ်သ့ၣ်ထူၣ်တဖၣ် အသိးန့ၣ်လီၤ. အဝဲသ့ၣ်ကမုာ်လၤသးခုဘၣ်လၢလၢပှဲၤပှဲၤ လၢတၢ်လၢအဝဲသ့ၣ်မၤတ့ၢ်ဝဲတဖၣ်အဃိလီၤ.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မၢ်ကူး 13:20

ကစၢ်မ့ၢ်တမၤစှၤလီၤမုၢ်နံၤမုၢ်သီတဖၣ်န့ၣ်ဘၣ်ဒီး, တမ့ၢ်လၢပှၤကတုၤဘၣ်က့ၤလၢတၢ်အုၣ်က့ၤခီၣ်က့ၤနီတဂၤ ဘၣ်. ဘၣ်ဆၣ်ဒီးပှၤလၢအဘၣ်တၢ်ဃုထၢပာ်ဝဲတဖၣ် အဂီၢ်န့ၣ်, ကမၤစှၤလီၤမုၢ်နံၤမုၢ်သီတဖၣ်န့ၣ်လီၤ.

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်မၢ်ကူး 13:27

အဝဲဒၣ်ကမၢလီၤမူခိၣ်ကလူးတဖၣ်လၢကလဲၤဒီးကိးဖှိၣ်က့ၤ ကစၢ်ယွၤအပှၤဃုထၢဖိတဖၣ်အိၣ်လၢကလံၤထံးဒီးကလံၤစိး, လၢမုၢ်ထီၣ်ဒီးလၢမုၢ်နုာ်, လၢဟီၣ်ခိၣ်အကတၢၢ်ပၢၢ်တုၤလၢမူခိၣ်အကတၢၢ်န့ၣ်လီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 16:19

ပှၤကိးဂၤဒဲးနၢ်ဟူတ့ၢ်သုတၢ်သးတီဒီးတၢ်သးခုအကစီၣ်, ဒီးလၢတၢ်ဂ့ၢ်အံၤအဃိယသးခုလၢသုဃိလီၤ. ယသးအိၣ်လၢသုကကူၣ်သ့လၢတၢ်လၢအဘၣ်ဃးဒီးတၢ်ဂ့ၤတၢ်ဝါ, ဒီးတသ့ၣ်ညါဘၣ်တၢ်လၢအဘၣ်ဃးဒီးတၢ်အၢတၢ်သီန့ၣ်လီၤ.

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

ရိမ့ၤ 8:33

မ့ၢ်မတၤကပာ်တၢ်ကမၣ်လၢပှၤလၢကစၢ်ယွၤဃုထၢအီၤ တဖၣ်အလိၤန့ၣ်လဲၣ်. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢ အပာ်တီပာ်လိၤအဝဲသ့ၣ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

၂ တံၤမသ့း 2:10

လၢတၢ်န့ၣ်အဃိ, ယတူၢ်တၢ်ခဲလၢာ်လၢကစၢ်ယွၤအပှၤဃုထၢ တဖၣ်အဂီၢ်ဒ်သိးအဝဲသ့ၣ်စ့ၢ်ကီးကန့ၢ်ဘၣ်တၢ်အုၣ်က့ၤခီၣ်က့ၤ လၢအဟဲခီဖျိယ့ၣ်ၡူးခရံာ်ဒီးဟဲစိာ်တၢ်လၤကပီၤအထူ အယိာ်န့ၣ်လီၤ.

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ပ့းတရူး 1:20

အဝဲဒၣ်ဘၣ်တၢ်ဃုထၢအီၤလၢကစၢ်ယွၤတချုးဒံးဘၣ်လၢဟီၣ် ခိၣ်ဘၣ်တၢ်တ့လီၤအီၤ, ဒီးဘၣ်တၢ်လီၣ်ဖျါထီၣ်အီၤလၢသုဂီၢ်လၢမုၢ်နံၤလၢခံကတၢၢ် တဖၣ်အံၤအပူၤန့ၣ်လီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၂ ပ့းတရူး 1:2

မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢ ပှဲၤပှဲၤခီဖျိသုတၢ်သ့ၣ်ညါကစၢ်ယွၤဒီးပကစၢ်ယ့ၣ်ၡူးခရံာ် န့ၣ်တက့ၢ်.

၂ ယိၤဟၣ် 1:1

လၢပှၤသးပှၢ်, ဆူတူၢ်ဒိၣ်မုၣ်လၢအဘၣ်တၢ်ဃုထၢအီၤဒီးအဖိအလံၤတဖၣ် အအိၣ်, ပှၤလၢယအဲၣ်အီၤလၢတၢ်အဲၣ်နီၢ်နီၢ်ဒီးတမ့ၢ်ထဲ ယၤတဂၤဧိၤဘၣ်, မ့မ့ၢ်ပှၤခဲလၢာ်လၢအသ့ၣ်ညါတၢ်မ့ၢ် တၢ်တီန့ၣ်အဲၣ်ဘၣ်နၤ,

၂ ယိၤဟၣ် 1:13

သုဒီပုၢ်ဝဲၢ်မုၣ်လၢအဘၣ်တၢ်ဃုထၢအီၤအဖိအလံၤ တဖၣ်ဆှၢန့ၢ်သုအဝဲသ့ၣ်အတၢ်ဆၢဂ့ၤဆၢဝါတဖၣ် န့ၣ်လီၤ.

ယူဒၤ 1:2

မ်တၢ်သးကညီၤ, တၢ်ဃူတၢ်ဖိး, ဒီးတၢ်အဲၣ်တၢ်ကွံမ့ၢ်သုတၢ်လၢလၢပှဲၤပှဲၤတက့ၢ်.