၁ ပ့းတရူး 1:18 - Sgaw Karen Common Bible

¹⁸ အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.

၁ ပ့းတရူး 1:18 Iomraidhean Croise

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 52:3

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, “ဖဲသုကဲထီၣ်ကုၢ်တဖၣ်န့ၣ်, တၢ်တပှ့ၤန့ၢ်သုလၢစ့နီတဘ့ၣ်ဘၣ်. ဒ်န့ၣ်အသိး, တလိၣ်တၢ်ဟ့ၣ်တၢ်နီတမံၤလၢသုကထူၣ်ဖျဲးထီၣ် အဂီၢ်န့ၣ်ဘၣ်.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 4:11

တၢ်ဆၢကတီၢ်ဟဲတုၤလံဝဲ, ဖဲဝ့ၢ်ယရူၤၡလ့ၣ်အပှၤဂီၢ်မုၢ်တဖၣ် ကဘၣ်တၢ်စံးဘၣ်တဲဘၣ်အီၤလၢ, ကလံၤကိၢ်သွၣ်ကိၢ်ဘီတခါ ကဟဲအူနုာ်လၢမဲးမုၢ်ခိၣ်တခီဆူအဝဲသ့ၣ်အအိၣ်န့ၣ်လီၤ. တမ့ၢ်ဘၣ်ကလံၤကပုာ်လုာ်ဖိတခါလၢအအူဒံကွံာ်ဒၣ်ထဲဘုဖ့ဧိၤန့ၣ်ဘၣ်.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 9:14

အခိၣ်တလိာ်, အဝဲသ့ၣ်အခိၣ်ကိၤဒီးဘူၣ်ထီၣ်ဘါထီၣ်ဘဧၤလး အတၢ်ဂီၤတၢ်ဖီၣ်တဖၣ်ဒ်အဝဲသ့ၣ်အပၢ်တဖၣ်သိၣ်လိတ့ၢ် အီၤလၢကမၤဝဲအသိးန့ၣ်လီၤ.

လံာ်ယဃ့းစက့လး 20:18

အခိၣ်တလိာ်ယဟ့ၣ်ပလီၢ်ပှၤသးစၢ်တဖၣ်လၢအဝဲသ့ၣ်အကျါလီၤ. တိၢ်န့ၢ်ဟံးဃာ်တၢ်သိၣ်တၢ်သီတဖၣ်လၢသုမိၢ်ပၢ်ဖံဖုလၢပျၢၤ တဖၣ်ဒုးအိၣ်ထီၣ်အီၤန့ၣ်တဂ့ၤ. ပိာ်ထွဲအဝဲသ့ၣ်အလုၢ်အလၢ်တဖၣ်မ့ၢ်ဂ့ၤ, မၤဘၣ်အၢလီၤသုသးလၢအဝဲသ့ၣ်အတၢ်ဂီၤတၢ်ဖီၣ်မ့ၢ်ဂ့ၤန့ၣ်တဂ့ၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်မၢ်ကူး 8:37

ပှၤကညီတဂၤကဟ့ၣ်တၢ်အပှ့ၤမနုၤတမံၤလၢ ကမၤန့ၢ်က့ၤအသးသမူနီၢ်နီၢ်အဂီၢ်န့ၣ်လဲၣ်.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

1 ကရံၣ်သူး 3:20

ဒီးတၢ်ကွဲးအသးအဂၤတတီၤစံးဝဲ, “ကစၢ်သ့ၣ်ညါလၢပှၤကူၣ်ဘၣ်ကူၣ်သ့အတၢ်ဆိကမိၣ်မ့ၢ်တၢ်လၢ အလုၢ်တအိၣ်ပှ့ၤတအိၣ်ဘၣ်န့ၣ်လီၤ.”

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

1 ကရံၣ်သူး 7:23

ကစၢ်ယွၤပှ့ၤတ့ၢ်လံနၤလၢတၢ်အပှ့ၤကလံၤတမံၤလီၤ. မ်ဒ်န့ၣ်ဒီး, တဘၣ်ကဲထီၣ်ပှၤကညီအကုၢ်အပှၤတဖၣ်တဂ့ၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.