၁ ပ့းတရူး 1:11 - Sgaw Karen Common Bible

¹¹ အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

၁ ပ့းတရူး 1:11 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 12:41

ဝံယၡါယၤစံးတၢ်အံၤမ့ၢ်လၢအဝဲထံၣ်ဘၣ်ယ့ၣ်ၡူးအလၤကပီၤ အဃိစံးကတိၤဝဲအဂ့ၢ်အကျိၤန့ၣ်လီၤ.

မၤတၢ် 16:7

ဖဲအဝဲသ့ၣ်လဲၤတုၤမူၤစံအကီၢ်ဆၢန့ၣ်, ဂုာ်ကျဲးစၢးလဲၤနုာ်ဝဲဆူကီၢ်ဘံၤသူၤနံဘၣ်ဆၣ် ဒီးယ့ၣ်ၡူးအသးတပျဲအဝဲသ့ၣ်ဘၣ်.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.