၁ ပ့းတရူး 1:10 - Sgaw Karen Common Bible

¹⁰ ဘၣ်ဃးဒီးတၢ်အုၣ်က့ၤခီၣ်က့ၤအဝဲအံၤန့ၣ်, ဝံတဖၣ်ဃုထံၣ်ဒီးသံကွၢ်သံဒိးဝဲလီၤတံၢ်လီၤဆဲးဝံၤ ကတိၤပာ်တၢ်ဘၣ်ဃးတၢ်ဟ့ၣ်အံၤလၢယွၤကဟ့ၣ်လီၤ သုန့ၣ်လီၤ.

၁ ပ့းတရူး 1:10 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

တၢ်ကတိၤဒိ. 2:4

ဃုအီၤဆူၣ်ဆူၣ်ဒ်နဃုစ့, မ့တမ့ၢ်ဒ်တၢ်လုၢ်ဒိၣ်ပှ့ၤဒိၣ်အိၣ်ခူ သူၣ်တနီၤနီၤအသိးတက့ၢ်.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်မးသဲ 13:17

ယစံးဘၣ်သုတၢ်မ့ၢ်တၢ်တီ, ဝံအါဂၤဒီးပှၤအဲၣ်ထူအဲၣ်ယွၤအါဒံအါဂၤ ဆၢထံၣ်ဘၣ်တၢ်လၢသုထံၣ်, ဘၣ်ဆၣ်ဒီးတထံၣ်ဘၣ်ဝဲဘၣ်. ဒီးဆၢနၢ်ဟူတၢ်လၢသုနၢ်ဟူဘၣ်ဆၣ်တနၢ်ဟူဘၣ်ဝဲဘၣ်.”

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်လူၤကၣ် 10:24

ယစံးဘၣ်တဲဘၣ်သု, ဝံဒီးစီၤလိၣ်စီၤပၤတဖၣ်သးအိၣ်ထံၣ်ဘၣ် တၢ်လၢသုထံၣ်, ဘၣ်ဆၣ်တထံၣ်ဘၣ်ဝဲဘၣ်. ဒီးသးအိၣ်နၢ်ဟူဘၣ်တၢ်လၢသုနၢ်ဟူ, ဘၣ်ဆၣ်တနၢ်ဟူဘၣ်ဝဲဘၣ်.”

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 11:40

အဂ့ၢ်မ့ၢ်လၢကစၢ်ယွၤတိာ်ပာ်တ့ၢ်ဝဲလၢအကသုးကျဲၤတၢ်ဂ့ၤ ဒိၣ်ဒၣ်တၢ်တက့ၢ်လၢပဂီၢ်အဃိလီၤ. မ့တမ့ၢ်လၢပဝဲဒၣ်ဘၣ်ဒီးအဝဲသ့ၣ်တဘၣ်တၢ်မၤလၢထီၣ် ပှဲၤထီၣ်အီၤဘၣ်န့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.