၁ ပ့းတရူး 1:1 - Sgaw Karen Common Bible

¹ လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

၁ ပ့းတရူး 1:1 Iomraidhean Croise

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

စံးထီၣ်ပတြၢၤ 44:11

နပျဲတၢ်မၤသံအီၣ်ပှၤဒ်သိတဖၣ်အသိး, ဒီးမၤလီၤပြံလီၤပြါတ့ၢ်ပှၤလၢ ပှၤကလုာ်သ့ၣ်တဖၣ်အကျါန့ၣ်လီၤ.

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

မၤတၢ် 18:2

ဖဲန့ၣ်အဝဲဒၣ်ထံၣ်လိာ်ပှၤယူဒၤဖိတဂၤလၢအမံၤမ့ၢ်စီၤအကူလၤ, အိၣ်ဖျဲၣ်ထီၣ်လၢဝ့ၢ်ပီၣ်တူးဒီးဟဲတုၤသီဒီးအမါနီၢ်ပြံစကံးလၤန့ၣ်လီၤ. အဝဲသ့ၣ်ဟးထီၣ်ကွံာ်လၢကီၢ်အံၤတလံမ့ၢ်လၢစီၤပၤဖးဒိၣ်ကျီၤဒံ ဟ့ၣ်လီၤတၢ်ကလုၢ်လၢပှၤယူဒၤဖိကိးဂၤဒဲးကဘၣ်ဟးထီၣ်ကွံာ် ဖဲဝ့ၢ်ရိမ့ၤအဃိန့ၣ်လီၤ. စီၤပီလူးလဲၤထံၣ်လိာ်အဝဲသ့ၣ်,

မၤတၢ် 18:23

အဝဲဒၣ်အိၣ်ဖဲန့ၣ်တစိၢ်တလီၢ်ဝံၤဟးထီၣ်ဝဲဒၣ်လီၤ. အဝဲလဲၤခီဂာ်တၢ်လီၢ်တၢ်ကျဲဖဲကီၢ်ကလၤတံဒီးကီၢ်ဖြူၤ ကံ, ဒီးဟ့ၣ်ဆူၣ်ထီၣ်အပျဲၢ်အဘီၣ်ဖဲန့ၣ်တဖၣ်အဂံၢ်အဘါလီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

မၤတၢ် 8:4

ပှၤစူၢ်က့ၤနာ်က့ၤတၢ်လၢအလီၤပြံလီၤပြါတဖၣ်လဲၤဝဲသကုၤ ဆးဒးဒီးစံၣ်တဲၤတဲလီၤတၢ်သးခုအကစီၣ်န့ၣ်လီၤ.

1 ကရံၣ်သူး 16:19

တၢ်အိၣ်ဖှိၣ်တဖၣ်လၢကီၢ်အၤစံအပူၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤအကူလၤ, နီၢ်ပြံစကံးလၤ, ဒီးတၢ်အိၣ်ဖှိၣ်လၢအထံၣ်လိာ်အိၣ်ဖှိၣ်ဖဲအဟံၣ်ပူၤန့ၣ်, ဆှၢလီၤအတၢ်ဆၢဂ့ၤဒ်ပှၤခရံာ်ဖိတဖၣ်အသိးလၢအသးဒီဖျၢၣ်ညါလီၤ.

၂ ကရံၣ်သူး 1:8

ဒီပုၢ်ဝဲၢ်သ့ၣ်ဧၢ, ပသးအိၣ်ဒုးသ့ၣ်နီၣ်ထီၣ်သုဘၣ်ဃးဒီးတၢ်ကီ တၢ်ခဲလၢပလဲၤခီဖျိတ့ၢ်ပဝဲလၢကီၢ်အၤစံအပူၤန့ၣ်လီၤ. တၢ်ဝံ တၢ်ယိးလၢအဘၣ်တၢ်ပာ်ထီၣ်အီၤလၢပလိၤတဖၣ်န့ၣ်, ဒိၣ်ဝဲ ဃၢဝဲတုၤဒၣ်လဲာ်ပတၢ်မုၢ်လၢ်လၢပကအိၣ်မူဒံးဆူညါန့ၣ် လၢာ်ကွံာ်ဝဲစီဖ့ကလ့ၤန့ၣ်လီၤ.

ကလၤတံ 1:2

ဒီပုၢ်ဝဲၢ်ခဲလၢာ်လၢအအိၣ်ဒီးယၤဖဲအံၤဆှၢလီၤအတၢ်ဆၢ ဂ့ၤဆၢဝါတဖၣ်ဆူတၢ်အိၣ်ဖှိၣ်တဖၣ်လၢကီၢ်ကလၤတံ အအိၣ်န့ၣ်လီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

အ့းဖ့းစူး 2:19

လၢတၢ်န့ၣ်အဃိ, သုဝဲလၢအမ့ၢ်ပှၤကလုာ်အဂၤတဖၣ်န့ၣ် သုတမ့ၢ်ပှၤတခီထံတခီကီၢ်ဖိဒီးပှၤသမှံၤတဖၣ်လၢၤဘၣ်. မ့မ့ၢ်သုမ့ၢ်ပှၤထံဖိကီၢ်ဖိသကိးဒီးကစၢ်ယွၤအပှၤဂီၢ်မုၢ်ဒီး ကစၢ်ယွၤအဒူၣ်ဖိထၢဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

၂ တံၤမသ့း 1:15

နသ့ၣ်ညါလၢပှၤကိးဂၤဒဲးလၢကီၢ်အၤစံအပူၤ, ဃုာ်ဒီးစီၤဖူက့းလူးဒီးစီၤအ့းရံမိက့းန့ၤတဖၣ်ဟး သဒၣ်ကွံာ်ယၤလံန့ၣ်လီၤ.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”