လံာ်စီၤပၤအခီၣ်ထံးတဘ့ၣ် 9:9 - Sgaw Karen Common Bible

⁹ ပှၤဂီၢ်မုၢ်ကစံးဆၢဝဲ, တၢ်အံၤ, မ့ၢ်လၢအဝဲသ့ၣ်ပာ်လီၤတဲာ်ကွံာ်ယွၤ, အဝဲသ့ၣ်အကစၢ်ယွၤလၢအထုးထီၣ်အဝဲသ့ၣ်အမိၢ်ပၢ်ဖံဖုလၢပျၢၤ တဖၣ်လၢကီၢ်အဲၤကူပတူးအပူၤအဃိန့ၣ်လီၤ. အဝဲသ့ၣ်ဟ့ၣ်လီၤတ့ၢ်အသးဆူတၢ်သးစဲဒီးကစၢ်အဂၤတဖၣ်ဒီးဘူၣ် ထီၣ်ဘါထီၣ်အဝဲသ့ၣ်န့ၣ်လီၤ. လၢတၢ်န့ၣ်အဃိ, ယွၤဒုးလီၤဘၣ်တၢ်တတၢးတနါဒ်သိးအံၤလၢအဝဲ သ့ၣ်အလိၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 9:9 Iomraidhean Croise

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:17

အဝဲသ့ၣ်ညိကွံာ်တ့ၢ်ယၤ, ဒီးလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိထိၣ်ဂဲၤထီၣ်ယတၢ်သးကဲၤထီၣ်ခီဖျိ, တၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်လီၤ. ယတၢ်သးဒိၣ်ဘၣ်တၢ်ထိၣ်ဂဲၤအီၤထီဒါဝ့ၢ်ယရူၤၡလ့ၣ် ဒီးတလီၤပံာ်ဝဲဒၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 29:8

လၢတၢ်အံၤအဃိယွၤသးထီၣ်ဘၣ်ကီၢ်ယူဒၤဒီးဝ့ၢ်ယရူၤၡလ့ၣ်, ဒီးတၢ်လၢယွၤမၤဘၣ်အဝဲသ့ၣ်န့ၣ်ဒုးကမၢကမၣ်မၤပျံၤမၤဖုး ပှၤကိးဂၤဒဲးန့ၣ်လီၤ. သုသ့ၣ်ညါတၢ်အံၤဂ့ၤဂ့ၤဘၣ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:22

ပှၤဂီၢ်မုၢ်ကစံးဆၢဝဲ, တၢ်န့ၣ်မ့ၢ်လၢ, အဝဲသ့ၣ်လဲၤသဒၣ်ကွံာ် ယွၤ, အကစၢ်ယွၤ, လၢအထုးထီၣ်ကွံာ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအဃိန့ၣ်လီၤ. အဝဲသ့ၣ်တူၢ်လိာ်ဟ့ၣ်လီၤသးဒီးဘူၣ်ထီၣ်ဘါထီၣ်ကစၢ်အဂုၤအဂၤ တဖၣ်န့ၣ်လီၤ. လၢတၢ်န့ၣ်အဃိယွၤဟဲစိာ်တၢ်တတၢးတနါအံၤလၢအဝဲသ့ၣ်အဖီခိၣ် န့ၣ်လီၤ.”

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 22:8

တၢ်န့ၣ်အလီၢ်ခံ, ပှၤတခီဘီမုၢ်ဖိအါဂၤကလဲၤခီဂာ်တၢ်ဒီး သံကွၢ်လိာ်သးတဂၤဒီးတဂၤ, ဘၣ်မနုၤအဃိလၢယၤ, ယွၤအံၤ, ယမၤဘၣ်တ့ၢ်ဝ့ၢ်ဖးဒိၣ်အံၤလၢတၢ်ဒ်သိးအံၤတမံၤလဲၣ်န့ၣ်လီၤ.

လံာ်ယံးရမံယၤ 44:23

တၢ်တတၢးတနါလၢအလီၤဘၣ်သုခဲအံၤန့ၣ်, မ့ၢ်လၢသုလုၢ်ထီၣ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်ဒီး မၤတ့ၢ်တၢ်ဒဲးဘးထီဒါ ယွၤခီဖျိတၢ်တစူၢ်အတၢ်မၤလိာ်တဖၣ်အဃိန့ၣ်လီၤ.”

လံာ်ယံးရမံယၤ 5:19

ဖဲအဝဲသ့ၣ်သံကွၢ်ဝဲ, ဘၣ်မနုၤအဃိယမၤတၢ်သ့ၣ်တဖၣ်အံၤခဲလၢာ် လဲၣ်န့ၣ်, စီၤယံးရမံယၤဧၢ, တဲဘၣ်အဝဲသ့ၣ်လၢ, ဒ်အဝဲသ့ၣ်ဃၣ်ကွံာ်အသးလၢယၤဒီးမၤ တ့ၢ်ပှၤတခီဘီမုၢ်အကစၢ်တဖၣ်အတၢ်မၤလၢအထံအကီၢ်ဒၣ်ဝဲ အပူၤအသိးန့ၣ်, အဝဲသ့ၣ်ကမၤပှၤလၢအတသ့ၣ်ညါဝဲတဖၣ် အတၢ်မၤလၢထံကီၢ်တဘ့ၣ်လၢအတမ့ၢ်အဝဲသ့ၣ်အတၢ်ဒၣ်ဝဲ အပူၤန့ၣ်လီၤ.”

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.