လံာ်စီၤပၤအခီၣ်ထံးတဘ့ၣ် 9:27 - Sgaw Karen Common Bible

²⁷ စီၤပၤဃံရၣ်ဆှၢလီၤအပှၤကဘီဖိလၢအတၢ်လဲၤခီဖျိအါဝဲတနီၤ လၢအကဘီကရူၢ်အပူၤဒ်သိးကမၤသကိးတၢ်ဒီးစီၤၡလိၤမိၤအပှၤတဖၣ် အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:27 Iomraidhean Croise

လံာ်စီၤပၤအခီၣ်ထံးတဘ့ၣ် 10:11

စီၤဃံရၣ်အကဘီတကရူၢ်လၢအဟဲစိာ်ထူဧိၤလွဲဧိၤလၢကီၢ်အိဖ့ၢ် န့ၣ်ဟဲစိာ်သ့ၣ်အလၤမူးအါအါကလဲာ်ဒီးတၢ်မျၢ်တဖၣ်လၢန့ၣ်စ့ၢ် ကီးလီၤ.

လံာ်စီၤပၤအခီၣ်ထံးတဘ့ၣ် 22:49

အန့ၣ်ဒီးကီၢ်အံၣ်စရ့လးအစီၤပၤစီၤအဃၤစယၤအဲၣ်ဒိးပျဲလီၤ အပှၤတဖၣ်လၢကလဲၤဃုာ်တၢ်ဒီးစီၤယဟိၡၤဖးအပှၤတဖၣ်, ဘၣ်ဆၣ်ဒီးစီၤယဟိၡၤဖးတတူၢ်လိာ်ဘၣ်တၢ်သးအိၣ်န့ၣ်ဘၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 5:9

ယပှၤတဖၣ်ကဟဲစိာ်လီၤသ့ၣ်အကျီၣ်တဖၣ်လၢကီၢ်လဘၤနိၣ်ဆူပီၣ်လဲၣ် ဒီးကစၢထီၣ်အီၤတပူၤဃီဒ်ထိတဖၣ်အသိးဒီးထိၣ်ထွံလီၤအီၤလၢ ပီၣ်လဲၣ်နံၤဆူတၢ်လီၢ်လၢနဃုထၢန့ၣ်လီၤ. ဖဲန့ၣ်ယပှၤတဖၣ်ကဃ့ၣ်လီၤကွံာ်အီၤဒီးနပှၤတဖၣ်ကအံးထွဲ ကွၢ်ထွဲက့ၤအီၤန့ၣ်လီၤ. နဲဒၣ်တခီယအဲၣ်ဒိးလၢနကဟ့ၣ်ယခ့ယပှၤသ့ၣ်တဖၣ်လၢတၢ်အီၣ်တၢ်အီ န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:26

စီၤၡလိၤမိၤဘှီထီၣ်စ့ၢ်ကီးကဘီတကရူၢ်ဖဲဝ့ၢ်ဧ့းစယိၣ်က့ ဘ့ၢ်လၢအအိၣ်ဘူးဒီးအ့လိးလၢအအိၣ်ဖဲပီၣ်လဲၣ်က့ၣ်ကျီၤအကၣ် ဘၣ်အနံၤ, လၢကီၢ်အဒိၣ်အပူၤန့ၣ်လီၤ.

လံာ်ယဃ့းစက့လး 27:8

နပှၤဝၢ်နီၣ်ဝၢ်ဖိတဖၣ် ဟဲဝဲလၢဝ့ၢ်တဖၣ်လၢ အမ့ၢ်ဝ့ၢ်စံဒိၣ်ဒီးဝ့ၢ်အၢ်ဝးန့ၣ်လီၤ. နပှၤဒၣ်နဲအသ့အဘၣ်တဖၣ် မ့ၢ်ပှၤကဘီဖိတဖၣ်န့ၣ်လီၤ.