လံာ်စီၤပၤအခီၣ်ထံးတဘ့ၣ် 9:25 - Sgaw Karen Common Bible

²⁵ စီၤၡလိၤမိၤလုၢ်ထီၣ်ပာ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤ ဃူမၤဖိးတဖၣ်လၢတၢ်လုၢ်လီၢ်လၢအဝဲဘှီထီၣ်တ့ၢ်ဝဲလၢယွၤ အဂီၢ်အဖီခိၣ်တနံၣ်သၢဘျီန့ၣ်လီၤ. အဝဲဆူးကဲၤထီၣ်စ့ၢ်ကီးတၢ်လုၢ်နၢမူဆူယွၤအအိၣ်န့ၣ်လီၤ. ဒီးလၢတၢ်န့ၣ်အဃိအဝဲမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:25 Iomraidhean Croise

လံာ်စီၤပၤအခီၣ်ထံးတဘ့ၣ် 6:14

အန့ၣ်ဒီးစီၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:9

အန့ၣ်သတးဒီး, စီၤပၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ. အဝဲမၤထီၣ်တၢ်အခိၣ်ဒုးလာ်လၢကျိၤတဖၣ်ဒီးသ့ၣ်ဘၣ်တဖၣ်လၢသ့ၣ် ဆှိအ့ရ့းန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:11

ယဖိခွါသ့ၣ်ဧၢ, မၤလၢာ်တၢ်ဆၢကတီၢ်နီတစဲးတဂ့ၤ. သုမ့ၢ်ပှၤလၢယွၤဃုထၢတ့ၢ်အီၤလၢကဆူးကဲၤထီၣ်တၢ်နၢမူ ဆူအအိၣ်, ဒီးလၢကဆှၢပှၤဂီၢ်မုၢ်လၢတၢ်ဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 8:16

တုၤတၢ်ဆၢကတီၢ်အဝဲအံၤန့ၣ်, စီၤၡလိၤမိၤအတၢ်တိာ်ကျဲၤအတၢ်မၤ ခဲလၢာ်ဘၣ်တၢ်မၤဝံၤအီၤလၢလၢပှဲၤပှဲၤန့ၣ်လီၤ. စးထီၣ်လၢတၢ်ပာ်လီၤယွၤအတၢ်လုၢ်ဟံၣ်အလၢၢ်ခၢၣ်သနၢၣ်ဒီးတုၤလၢ အဝံၤဝဲတစုန့ၣ်, ကယဲၢ်တၢ်မၤခဲလၢာ်အံၤကဲထီၣ်လိၣ်ထီၣ်ဝဲလၢလၢပှဲၤပှဲၤန့ၣ် လီၤ.

လံာ်တၢ်ဟးထီၣ်ကွံာ် 30:7

ကိးမုၢ်ဂီၤဒဲးဖဲစီၤအၤဟရိၣ်ဟဲလၢကကတဲာ်ကတီၤမ့ၣ်အူဒၢတဖၣ်န့ၣ်, အဝဲကဘၣ်ဆိၣ်ကဲၤတၢ်နၢမူလၢတၢ်လုၢ်လီၢ်အံၤအဖီခိၣ်လီၤ.

လံာ်တၢ်ဟးထီၣ်ကွံာ် 34:23

သုပှၤပိာ်ခွါတဖၣ်ကဘၣ်ဟဲဘူၣ်ထီၣ်ဘါထီၣ်ယၤ, ယွၤ, ကီၢ်အံၣ်စရ့လးအကစၢ်ယွၤ, တနံၣ်သၢဘျီန့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:40

လၢပိာ်မုၣ်သးစၢ်တဖၣ်ကဟးထီၣ်တနံၣ်လွံၢ်သီ လၢအကသူၣ်အုးသးအုးလၢပှၤကံးလဧးဖိ စီၤယံးဖသၤအဖိမုၣ်အဂီၢ်န့ၣ်လီၤ.