လံာ်စီၤပၤအခီၣ်ထံးတဘ့ၣ် 9:11 - Sgaw Karen Common Bible

¹¹ ကီၢ်ထါယၢၣ်အစီၤပၤဃံရၣ်ဟ့ၣ်လီၤမၤစၢၤအီၤလၢကယဲၢ်သ့ၣ်ဆှိ အ့ရ့း, သ့ၣ်ဆှိဒီးထူဧိၤလွဲဧိၤခဲလၢာ်လၢအဝဲလိၣ်ဘၣ်ဝဲလၢတၢ်မၤ အံၤအဂီၢ်န့ၣ်လီၤ. တုၤတၢ်မၤအံၤဝံၤဝဲန့ၣ်, စီၤပၤၡလိၤမိၤဟ့ၣ်လီၤစီၤဃံရၣ် လၢဝ့ၢ်အဖျၢၣ်ခံဆံလၢအအိၣ်လၢကီၢ်ကၤလံၤလါအလီၢ်ကဝီၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:11 Iomraidhean Croise

လံာ်စီၤပၤအခီၣ်ထံးတဘ့ၣ် 9:10

စီၤၡလိၤမိၤသူၣ်ထီၣ်ယွၤအတၢ်လုၢ်ဟံၣ်ဒီးအဝဲအနီ, ယံာ်ဝဲအနံၣ်ခံဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:12

စီၤဃံရၣ်လဲၤကွၢ်ဝ့ၢ်တဖၣ်န့ၣ်ဒီးတဘၣ်သူၣ်ဘၣ်သးဝဲဒၣ်ဘၣ်.

လံာ်စီၤပၤအခီၣ်ထံးတဘ့ၣ် 9:14

ထူလၢစီၤဃံရၣ်ဆှၢလီၤန့ၢ်ဆူစီၤၡလိၤမိၤန့ၣ်အိၣ်ဝဲအကံ ကၢ်ဃုဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 8:2

အဝဲသူၣ်ထီၣ်ကဒါက့ၤစ့ၢ်ကီးဝဲဝ့ၢ်တဖၣ်လၢစီၤပၤဃံရၣ်ဟ့ၣ် လီၤတ့ၢ်အီၤ, ဒီးမၢလီၤပှၤအံၣ်စရ့လးဖိတဖၣ်လၢကအိၣ်ဝဲ ဆိးဝဲလၢဝ့ၢ်တဖၣ်န့ၣ်အပူၤန့ၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.