လံာ်စီၤပၤအခီၣ်ထံးတဘ့ၣ် 8:7 - Sgaw Karen Common Bible

⁷ ခ့ရူာ်အဒံးဆ့တဖၣ်လၢအသလၣ်ထီၣ်အသးန့ၣ်ကျၢၢ်ဘၢတလါဒီးနီၣ် ယိးဘိတဖၣ်လၢတၢ်ယိးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:7 Iomraidhean Croise

လံာ်စီၤပၤအခီၣ်ထံးတဘ့ၣ် 6:27

အဝဲသ့ၣ်ဘၣ်တၢ်ပာ်လီၤသဃဲၤအီၤလၢတၢ်လီၢ်စီဆှံကတၢၢ်, ဒ်သိးအဝဲသ့ၣ်အဒံးဆ့လၢအသလၣ်ထီၣ်အသးအကျါခံဘ့ၣ် ကထိးလိာ်အသးလၢဒၢးအခၢၣ်သး ဒီးအဒံးဆ့အဂၤခံဘ့ၣ်ကထိးဘၣ်တၢ်ဒူၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:8

နီၣ်ယိးဘိတဖၣ်အခိၣ်ထိးဘၣ်တၢ်ထံၣ်အီၤလၢပှၤတဂၤလၢ်လၢ်လၢ အအိၣ်ဆၢထၢၣ်လိၤလိၤဖဲတၢ်လီၢ်စီဆှံကတၢၢ်အမဲာ်ညါသ့ဝဲ, ဘၣ်ဆၣ်လၢတၢ်လီၢ်အဂၤန့ၣ်တၢ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဖဲန့ၣ်တုၤမုၢ်မဆါတနံၤအံၤန့ၣ် လီၤ.)

လံာ်တၢ်ဟးထီၣ်ကွံာ် 25:20

တၢ်ဘၣ်တ့အိၣ်ဒီးအဒံးဆ့ခံဂၤအံၤကဘၣ်အိၣ်ကွၢ်လိာ်အမဲာ်လၢ တၢ်အခိၣ်ကၢၢ်တခီစုာ်စုာ်အလိၤဒီးအဒံးဆ့တဖၣ်လၢအသလၣ်ထီၣ် အသးန့ၣ်ကဘၣ်ကျၢၢ်ဘၢတလါအခိၣ်ကၢၢ်န့ၣ်လီၤ.

လံာ်ယၡါယၤ 6:2

စ့ရၤဖးတဖၣ်ဆၢထၢၣ်ဝးတရံးအီၤတဂၤအိၣ်ဒီးအဒံးဆ့ ဃုဘ့ၣ်စုာ်စုာ်လီၤ. မၤဘၢအမဲာ်ခံဘ့ၣ်, ဒီးအနီၢ်ခိခံဘ့ၣ်ဒီးအဂၤခံဘ့ၣ်န့ၣ်သူဝဲလၢကယူၤဝဲအဂီၢ်လီၤ.

လံာ်တၢ်ဂံၢ် 4:6

အဝဲသ့ၣ်ကဘၣ်ပာ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကးဘၢ အီၤ, ဒီးလၢအဖီခိၣ်ကတၢၢ်န့ၣ်ကဘၣ်သလၣ်လီၤတၢ်ကံးညၣ် အလွဲၢ်လါအဲးဒီဘ့ၣ်ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

ဧ့ၤဘြံၤ 9:5

လၢတလါအံၤအဖီခိၣ်န့ၣ်တၢ်လၤကပီၤအခ့ရူာ်တဖၣ်အိၣ်ဝဲလီၤ. အဒံးဆ့တဖၣ်သလၣ်ထီၣ်အသးဒီးကဒုလီၤဘၣ်လၢတၢ်သူၣ် ကညီၤသးကညီၤအလီၢ်ပစိာ်အလိၤန့ၣ်လီၤ. ဘၣ်ဆၣ်ခဲအံၤ, တမ့ၢ်ဘၣ်တၢ်အကတီၢ်လၢပကတဲဖျါတၢ်ဂ့ၢ်တဖၣ်အံၤလီၤ တံၢ်လီၤဆဲးန့ၣ်ဘၣ်.