လံာ်စီၤပၤအခီၣ်ထံးတဘ့ၣ် 8:64 - Sgaw Karen Common Bible

⁶⁴ ဖဲမုၢ်တနံၤဃီအံၤန့ၣ်, အဝဲပာ်စီဆှံထီၣ်စ့ၢ်ကီးတၢ်လီၢ်လၢ ဂၢၤအခၢၣ်သးတတီၤ, တၢ်လီၢ်လၢအအိၣ်ဖဲယွၤအတၢ်လုၢ်ဟံၣ်အမဲာ်ညါ, ဝံၤဒီးဖဲန့ၣ်အဝဲလုၢ်ထီၣ်တၢ်လုၢ်တဖၣ်လၢတၢ်ဆူးကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ်ဒီးဆၣ်ဖိကီၢ်ဖိတဖၣ်အသိလၢတၢ် လုၢ်မၤဃူမၤဖိးအဂီၢ်န့ၣ်လီၤ. အဝဲမၤဝဲဒ်အံၤမ့ၢ်လၢတိၢ်ဘီတၢ်လုၢ်လီၢ်န့ၣ်ဆံးကဲာ်ဆိးလၢ တၢ်လုၢ်တဖၣ်အံၤခဲလၢာ်အဂီၢ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:64 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:7

စီၤၡလိၤမိၤပာ်စီဆှံထီၣ်ဝဲဂၢၤအတၢ်လီၢ်လၢတၢ်ခၢၣ်သးက တၢၢ်, တၢ်လီၢ်ကဝီၤလၢအအိၣ်ဝဲဖဲယွၤအတၢ်လုၢ်ဟံၣ်အမဲာ်ညါ, အဝဲလုၢ်ထီၣ်တၢ်လုၢ်တၢ်ပာ်တဖၣ်လၢအမ့ၢ်, တၢ်လုၢ်ဆူးကဲၤဒီတဒုညါ, တၢ်လုၢ်ဘုဧိၤဟုဧိၤတဖၣ်ဒီးတၢ်အသိတဖၣ်လၢတၢ်လုၢ်မၤဃူမၤဖိး အပူၤန့ၣ်လီၤ. အဝဲမၤတ့ၢ်တၢ်အံၤမ့ၢ်လၢတၢ်လုၢ်လီၢ်တိၢ်ဘီလၢ အဝဲဘှီထီၣ်တ့ၢ်ဝဲန့ၣ်, ဆံးကဲာ်ဆိးလၢတၢ်လုၢ်တၢ်ပာ်ခဲလၢာ်အံၤအဂီၢ် အဃိန့ၣ်လီၤ.

လံာ်တၢ်ဟးထီၣ်ကွံာ် 36:7

တၢ်လၢဘၣ်တၢ်ဟဲစိာ်တ့ၢ်အီၤတဖၣ်န့ၣ်အါန့ၢ်ဒံးတၢ်လိၣ်ဘၣ်လၢတၢ်ကမၤဝံၤတၢ်မၤ, ခဲလၢာ်အဂီၢ်န့ၣ်လီၤ.

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 3:9

ဒီးဘၣ်လုၢ်ထီၣ်အသိ, အမဲၢ်လၢအအိၣ်ဒီးအသိတဘိလၢတၢ်ဒီၣ်တဲာ် စဲဘူးဒီးအချၢဃံ, ဒီးတၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,