မုၢ်ဆ့ၣ်ထီၣ်တနံၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်ဒ်တၢ် လုၢ်တၢ်ပာ်တဖၣ်အသိး, ပာ်စီဆှံထီၣ်ဝဲဆူယွၤဝံၤဒီးဟ့ၣ်နီၤလီၤဝဲဆူပှၤဂီၢ်မုၢ် လၢကအီၣ်ဝဲအဂီၢ်န့ၣ်လီၤ. အါန့ၢ်အန့ၣ်, အဝဲသ့ၣ်လုၢ်ထီၣ်တ့ၢ်ဂီၤဖံးဖါအဒုတကထိ, သိဖါအဒုတကထိ, လၢအဆိၣ်ကဲၤထီၣ်ဝဲခဲလၢာ်ခဲဆ့လၢတၢ်လုၢ် လီၢ်အဖီခိၣ်န့ၣ်လီၤ. အဝဲသ့ၣ်ဟဲစိာ်စ့ၢ်ကီးတၢ်လုၢ်စပံးထံတဖၣ်န့ၣ်လီၤ.
လံာ်စီၤပၤအခီၣ်ထံးတဘ့ၣ် 8:63 - Sgaw Karen Common Bible63 အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ. Faic an caibideil |
လံာ်စီၤပၤအခီၣ်ထံးတဘ့ၣ် 8:63
19 Iomraidhean Croise
ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.
တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”
Sanasan