လံာ်စီၤပၤအခီၣ်ထံးတဘ့ၣ် 8:53 - Sgaw Karen Common Bible

⁵³ နဃုထၢအဝဲသ့ၣ်လၢကယဲၢ်ပှၤဂီၢ်မုၢ်အကျါဒ်သိးအဝဲသ့ၣ်ကကဲထီၣ် နပှၤဂီၢ်မုၢ်ဒၣ်နဲ, ဒ်နတဲတ့ၢ်အဝဲသ့ၣ်ခီဖျိနခ့နပှၤစီၤမိၤၡ့, ဖဲနထုးထီၣ်ကွံာ်ပမိၢ်ပၢ်ဖံဖုလၢပျၢၤတဖၣ်လၢကီၢ်အဲၤကူ ပတူးအပူၤအခါန့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:53 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:19

ပဝ့ၢ်အံၤမ့ၢ်ဝ့ၢ်ဖးဒိၣ်လၢကီၢ်အံၣ်စရ့လးအပူၤတဖၣ်အကျါတဝ့ၢ်, လၢအအိၣ်ဒီးအပှၤဝ့ၢ်ဖိတဖၣ်လၢအအဲၣ်တၢ်ဃူတၢ်ဖိးဒီးအိၣ်ဒီး တၢ်သူၣ်တီသးရၤန့ၣ်လီၤ. ဘၣ်မနုၤလၢနကျဲးစၢးမၤဟးဂီၤအီၤန့ၣ်လဲၣ်. မ့ၢ်နအဲၣ်ဒိးမၤဟးဂီၤတၢ်လၢအဘၣ်ဃးဒီးယွၤန့ၣ်ဧါ.”

လံာ်တၢ်ဟးထီၣ်ကွံာ် 33:16

နမ့ၢ်တလဲၤဃုာ်တၢ်ဒီးပှၤဘၣ်န့ၣ်ပှၤတဂၤဂၤသ့ၣ်ညါဝဲ လၢနဘၣ်သူၣ်ဘၣ်သးလၢနပှၤဂီၢ်မုၢ်ဒီးယၤအံၤကသ့ဒ်လဲၣ်. နတၢ်အိၣ်ဆိးဒီးပှၤအံၤကဒုးလီၤဆီပှၤဒီးပှၤဂုၤပှၤဂၤလၢ ဟီၣ်ခိၣ်ချၢအံၤန့ၣ်လီၤ.”

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်တၢ်ဂံၢ် 23:9

လၢလ့ဖးထီတဖၣ်အဒီခိၣ်န့ၣ်ယထံၣ်ဘၣ်အဝဲသ့ၣ်သ့ဝဲ, ယခိးကွၢ်အဝဲသ့ၣ်လၢတၢ်လူၢ်တဖၣ်အဖီခိၣ်သ့ဝဲလီၤ. အဝဲသ့ၣ်မ့ၢ်ပှၤတကလုာ်လၢအအိၣ်ဒၣ်အတၢ်ဒၣ်ဝဲ, အဝဲသ့ၣ်သ့ၣ်ညါဝဲလၢအဘၣ်ဆိၣ်ဂ့ၤအါန့ၢ်ဒံးပှၤကလုာ်ဂၤ တဖၣ်တက့ၢ်န့ၣ်လီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

လံာ်သိၣ်လီၤသီလီၤတၢ် 14:2

သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.