လံာ်စီၤပၤအခီၣ်ထံးတဘ့ၣ် 8:50 - Sgaw Karen Common Bible

⁵⁰ ပျၢ်လၢ်အဝဲသ့ၣ်အတၢ်ဒဲးဘးဒီးအဝဲသ့ၣ်အတၢ်ပူထီၣ်ထီဒါနၤခဲ လၢာ်, ဒီးပျဲအဝဲသ့ၣ်အဒုၣ်အဒါတဖၣ်မၤဘၣ်အီၤလၢတၢ်သူၣ်ကညီၤသး ကညီၤအပူၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:50 Iomraidhean Croise

လံာ်စီၤပၤအခီၣ်ထံးတဘ့ၣ် 8:49

ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်. လၢနဟံၣ်လၢမူခိၣ်အပူၤန့ၣ်ဒိကနၣ်လၢ်အဝဲသ့ၣ်ဒီးသူၣ်ကညီၤသး ကညီၤလၢ်အဝဲသ့ၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 33:13

ကစၢ်ယွၤတူၢ်လိာ်တ့ၢ်စီၤမနၤၡ့ၤအတၢ်ထုကဖၣ်ဒီးစံးဆၢအီၤခီ ဖျိပျဲအက့ၤကဒါက့ၤဆူဝ့ၢ်ယရူၤၡလ့ၣ်ဒီးပၢကဒီးတၢ်န့ၣ်လီၤ. တၢ်မၤအသးအံၤဒုးနာ်စီၤမနၤၡ့ၤလၢ, ယွၤန့ၣ်, မ့ၢ်ကစၢ်ယွၤန့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

လံာ်တၢ်ဟးထီၣ်ကွံာ် 3:21

ဒီးယကမၤတုၤပှၤအဲၤကူပတူးဖိတဖၣ်ပာ်ဒိၣ်ပာ်ကဲသုဒ်သိးတုၤ ယပှၤဂီၢ်မုၢ်ဟးထီၣ်ကွံာ်န့ၣ်ဒီးအသုတဟးထီၣ်ဘၣ်ဝဲထဲအစု ယၢ်ခီတဂ့ၤန့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.