လံာ်စီၤပၤအခီၣ်ထံးတဘ့ၣ် 8:48 - Sgaw Karen Common Bible

⁴⁸ လၢကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ်နီၢ် လၢတၢ်သူၣ်တီသးလိၤအပူၤဒီးဘါထုကဖၣ်ဆူနအိၣ်ဖဲ အဃၣ်ဃီၤအမဲာ်ဆူထံကီၢ်လၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်အံၤ, ဒီးဝ့ၢ်လၢနဃုထၢတ့ၢ်နဲအံၤ, ဒီးယွၤအတၢ်လုၢ်ဟံၣ်လၢယသူၣ်ထီၣ်လၢနဂီၢ်အံၤန့ၣ်ဒီး,

လံာ်စီၤပၤအခီၣ်ထံးတဘ့ၣ် 8:48 Iomraidhean Croise

လံာ်စီၤပၤအခီၣ်ထံးတဘ့ၣ် 8:33

တုၤနပှၤဂီၢ်မုၢ်အံၣ်စရ့လးဘၣ်တၢ်မၤနၢၤအီၤလၢအဝဲသ့ၣ်အဒုၣ် အဒါတဖၣ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးထီဒါနၤအဃိဒီး, တုၤအဃၣ်က့ၤအသးဆူနအိၣ်ဒီးဟဲက့ၤဆူ ယွၤအတၢ်လုၢ်ဟံၣ်အံၤဒီးဘါထုကဖၣ်ဆူနၤလၢတၢ်ဆီၣ်လီၤသး အပူၤလၢတၢ်ပျၢ်တၢ်ကမၣ်အဂီၢ်န့ၣ်,

လံာ်စီၤပၤအခီၣ်ထံးတဘ့ၣ် 8:49

ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်. လၢနဟံၣ်လၢမူခိၣ်အပူၤန့ၣ်ဒိကနၣ်လၢ်အဝဲသ့ၣ်ဒီးသူၣ်ကညီၤသး ကညီၤလၢ်အဝဲသ့ၣ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 23:25

လၢအဝဲအမဲာ်ညါန့ၣ်, စီၤပၤဒ်သိးအီၤတဂၤလၢအမၤတ့ၢ်ယွၤအတၢ် လၢသူၣ်ကံၢ်သးလဲလၢသးဒီဖျၢၣ်ဒီးလၢာ်ဂံၢ်လၢာ်ဘါ, စူၢ်ကယဲၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤတ့ၢ်ဝဲ န့ၣ်တအိၣ်နီတဂၤဘၣ်. လၢအဝဲအလီၢ်ခံစ့ၢ်ကီး, ပှၤဒ်သိးအီၤတအိၣ်ထီၣ်ဘၣ်နီတဂၤဘၣ်.

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:145

ယွၤဧၢ, ယဃ့ကညးတၢ်လၢယသးဒီဖျၢၣ်ညါလီၤ. စံးဆၢလၢ်ယၤတက့ၢ်. ယကတိၢ်န့ၢ်နတၢ်မၤလိာ်တဖၣ်လီၤ.

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဒၤနံးယ့လး 6:11

ဒီးဖဲစီၤဒၤနံးယ့လးအဒုၣ်အဒါတဖၣ်ပာ်သူၣ်ပာ်သးထံၣ်န့ၢ် တ့ၢ်အီၤလၢအဘါထုကဖၣ်တၢ်ဆူကစၢ်ယွၤအအိၣ်ဒီး,

လံာ်ဒၤနံးယ့လး 9:13

ဒီးဟ့ၣ်လီၤပှၤကယဲၢ်တၢ်စံၣ်ညီၣ်ဒ်တၢ်ကွဲးဖျါတ့ၢ်လၢစီၤမိၤၡ့ အတၢ်သိၣ်တၢ်သီအပူၤလီၤ. အိယွၤ, ပကစၢ်ယွၤဧၢ, ခဲကနံၣ်အံၤဒၣ်လဲာ်ပတကျဲးစၢးမၤမုာ်နသးခီဖျိတၢ်ဃၣ်ကွံာ် ပသးလၢပတၢ်ဒဲးဘးတဖၣ်မ့ၢ်ဂ့ၤ, ခီဖျိတၢ်မၤထွဲနတၢ်မ့ၢ်တၢ်တီမ့ၢ်ဂ့ၤဒံးဘၣ်.

လံာ်ဒၤနံးယ့လး 9:5

ပမၤတ့ၢ်တၢ်ဒဲးဘး, ပအၢပသီတ့ၢ်, ပမၤတ့ၢ်တၢ်ကမၣ်လီၤ. ပညိကွံာ်တ့ၢ်တၢ်မၤလိာ်လၢနမၤလိာ်တ့ၢ်ပှၤလၢပကဘၣ်မၤအီၤ တဖၣ်ဒီးဃၣ်ကွံာ်တ့ၢ်လံပသးလၢတၢ်အလိၤအဘၣ်လၢနဒုးနဲၣ် တ့ၢ်ပှၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်ယိၤနါ 2:4

အန့ၣ်တစုယစံး, ယဘၣ်တၢ်ဟီထီၣ်ကွံာ်ယၤလၢနမဲာ်ညါ, ယကထံၣ်ဘၣ်ကဒီးနတၢ်လုၢ်ဟံၣ်စီဆှံဒ်လဲၣ်.

လံာ်စကၤရယၤ 10:9

ယမ့ၢ်မၤလီၤပြံလီၤပြါတ့ၢ်အဝဲသ့ၣ်လၢ ပှၤကလုာ်ဂၤအကျါသနာ်က့, အဝဲသ့ၣ်ကသ့ၣ်နီၣ်ထီၣ်က့ၤယၤလၢ ထံယံၤကီၢ်ယံၤအပူၤဒၣ်လဲာ်လီၤ. အဝဲသ့ၣ်ဒီးအဝဲသ့ၣ်အဖိတဖၣ်ကအိၣ်မူတ့ၢ်ဒံးဝဲ ဒီးကဟဲက့ၤကဒါက့ၤသကိးဆူဟံၣ်တပူၤဃီလီၤ.

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.