လံာ်စီၤပၤအခီၣ်ထံးတဘ့ၣ် 8:4 - Sgaw Karen Common Bible

⁴ ဒီးလဲၤစိာ်ဝဲဆူယွၤအတၢ်လုၢ်ဟံၣ်အပူၤန့ၣ်လီၤ. ပှၤလ့ၤဝံဖိဒီးပှၤလုၢ်တၢ်အခိၣ်တဖၣ်သုးစ့ၢ်ကီးဝဲယွၤအဒဲ လၢယွၤအိၣ်ဝဲဆိးဝဲဒီးအတၢ်အပီးအလီခဲလၢာ်ဆူယွၤအတၢ်လုၢ် ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:4

တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ် ဖျါကတၢၢ်အိၣ်ပာ်ဝဲအဃိန့ၣ်လီၤ. အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:31

ပှၤတဖၣ်အံၤမ့ၢ်ပှၤလၢစီၤပၤဒၤဝံးပာ်ဝဲလၢပှၤသးဝံၣ်တၢ်ဖိ အခိၣ်လၢတၢ်ဘူၣ်ထီၣ်ဘါထီၣ်ယွၤအလီၢ်လၢဝ့ၢ်ယရူၤၡလ့ၣ်အပူၤ, ဖဲတၢ်အၢၣ်လီၤအီလီၤအတလါဘၣ်တၢ်ဆှၢနုာ်အီၤဖဲန့ၣ်ဝံၤအလီၢ် ခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:3

မၤလိာ်ဝဲလၢအဝဲသ့ၣ်ကလဲၤသကိးတၢ်ဒီးအီၤဆူတၢ်ဘူၣ်ထီၣ်ဘါ ထီၣ်ယွၤအလီၢ်လၢအအိၣ်လၢဝ့ၢ်ကံးဘိၣ်န့ၣ်လီၤ. အဝဲသ့ၣ်လဲၤတၢ်ဖဲန့ၣ်မ့ၢ်လၢတၢ်လီၢ်န့ၣ်မ့ၢ်တၢ်လီၢ်ဖဲယွၤအဒဲ စီဆှံလၢယွၤအိၣ်ဝဲ, အိၣ်သူၣ်လီၤတ့ၢ်အသးအဃိလီၤ. ဒဲန့ၣ်မ့ၢ်ဒဲတဖျၢၣ်လၢယွၤအခ့အပှၤစီၤမိၤၡ့သူၣ်ထီၣ်တ့ၢ် အီၤလၢပှၢ်မုၢ်ကနၢအပူၤန့ၣ်လီၤ.