လံာ်စီၤပၤအခီၣ်ထံးတဘ့ၣ် 8:35 - Sgaw Karen Common Bible

³⁵ ဖဲနတြီဃာ်တၢ်ဟဲစူၤ, မ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါနၤအဃိ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးကွၢ်ဃီၤယွၤအတၢ်လုၢ် ဟံၣ်အံၤ, ဒီးဃ့ဘါထုကဖၣ်ဆူနအိၣ်လၢတၢ်ဆီၣ်လီၤသးအပူၤန့ၣ်,

လံာ်စီၤပၤအခီၣ်ထံးတဘ့ၣ် 8:35 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:13

စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 8:33

တုၤနပှၤဂီၢ်မုၢ်အံၣ်စရ့လးဘၣ်တၢ်မၤနၢၤအီၤလၢအဝဲသ့ၣ်အဒုၣ် အဒါတဖၣ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးထီဒါနၤအဃိဒီး, တုၤအဃၣ်က့ၤအသးဆူနအိၣ်ဒီးဟဲက့ၤဆူ ယွၤအတၢ်လုၢ်ဟံၣ်အံၤဒီးဘါထုကဖၣ်ဆူနၤလၢတၢ်ဆီၣ်လီၤသး အပူၤလၢတၢ်ပျၢ်တၢ်ကမၣ်အဂီၢ်န့ၣ်,

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:24

ဖဲနပှၤဂီၢ်မုၢ်အံၣ်စရ့လးဘၣ်တၢ်မၤနၢၤကွံာ်အီၤလၢအဝဲသ့ၣ် အဒုၣ်အဒါတဖၣ်, မ့ၢ်လၢအဝဲသ့ၣ်မၤတၢ်ဒဲးဘးထီဒါနၤအဃိ, ဒီးဖဲအဝဲသ့ၣ်ဃၣ်က့ၤအသးဆူနအိၣ်ဒီးဟဲဆူယွၤအတၢ်လုၢ်ဟံၣ် အံၤ, ဃ့ဘါထုကဖၣ်အိၣ်ဒီးတၢ်ဆီၣ်လီၤသးလၢနကပျၢ်အတၢ်ဒဲးဘးန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 6:26

ဒီးဖဲနတြီဃာ်တၢ်ဟဲစူၤလီၤ, မ့ၢ်လၢနပှၤဂီၢ်မုၢ်မၤတ့ၢ်တၢ် ဒဲးဘးထီဒါနၤ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးဃၣ်ဃီၤအမဲာ်ဆူယွၤ အတၢ်လုၢ်ဟံၣ်အံၤ, ဒီးဃ့ဘါထုကဖၣ်နၤလၢတၢ်ဆီၣ်လီၤသးအပူၤန့ၣ်,

လံာ်စီၤယိၤဘး 12:15

တုၤကစၢ်ယွၤတြီဃာ်တၢ်ဟဲစူၤန့ၣ်ဒီးတၢ်ယီၤဃ့ဝဲဒီးတုၤ ဒုးဟဲစူၤလီၤမူခိၣ်ဒီးထံလုၣ်ဘၢတၢ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်တၢ်ဘူၣ်ထီၣ်ဘါထီၣ် 26:19

ဒီးယကမၤကၢ်ကွံာ်သုသးထီၣ်ထီန့ၣ်လီၤ. တၢ်တစူၤလၢၤဘၣ်ဒီးသုဟီၣ်ခိၣ်ကဃ့ထီကွံာ်ဝဲဒ်ထးအသိးန့ၣ်လီၤ.

လံာ်ဃးကဲ 1:10

လၢတၢ်န့ၣ်အဃိတၢ်တဟဲစူၤဘၣ်ဒီး တၢ်မဲထီၣ်တသ့နီတမံၤဘၣ်.

လံာ်စကၤရယၤ 14:17

ပှၤတကလုာ်ဂ့ၤတကလုာ်ဂ့ၤ, မ့ၢ်ဂ့ၢ်လိာ်လၢကလဲၤဘူၣ်ထီၣ်ဘါထီၣ်သ့တၢ်လၢာ်အယွၤဒ်စီၤပၤ အသိးန့ၣ်, တၢ်တစူၤလီၤဘၣ်လၢအထံလီၢ်ကီၢ်ပူၤဘၣ်.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

ရိမ့ၤ 10:9

နမ့ၢ်အၢၣ်လီၤလၢနထးခိၣ်လၢယ့ၣ်ၡူးမ့ၢ်ကစၢ်လီၤ, ဒီးနမ့ၢ်နာ်လၢနသးကံၢ်ပူၤလၢကစၢ်ယွၤဒုးဂဲၤဆၢထၢၣ်က့ၤအီၤ လၢတၢ်သံန့ၣ်ဒီး, နကဘၣ်တၢ်အုၣ်က့ၤခီၣ်က့ၤနၤလီၤ.

ရိမ့ၤ 15:9

ဒီးလၢကမၤစၢၤစ့ၢ်ကီးပှၤကလုာ်ဂၤတဖၣ်ဒ်သိးကစံးထီၣ်ပတြၢၤ ကစၢ်ယွၤလၢအတၢ်သးကညီၤအဃိန့ၣ်လီၤ. ဒ်တၢ်ကွဲးအသးစံးဝဲအသိး, လၢတၢ်အံၤအဃိယကစံးထီၣ်ပတြၢၤနၤလၢပှၤ ကလုာ်ဂၤတဖၣ်အကျါ, ယကသးဝံၣ်စံးထီၣ်ပတြၢၤနမံၤလီၤ.

လံာ်သိၣ်လီၤသီလီၤတၢ် 11:16

ပျဲသုနီၢ်ကစၢ်ဒၣ်ဝဲဘၣ်တၢ်ဆှၢယံၤကွံာ်သုလၢယွၤအအိၣ်လၢတၢ် ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်အဂီၢ်တဂ့ၤ.

လံာ်သိၣ်လီၤသီလီၤတၢ် 11:17

သုမ့ၢ်မၤအီၤဒီး, ယွၤကသးထီၣ်ဘၣ်သုန့ၣ်လီၤ. အဝဲကတြီဃာ်တၢ်စူၤအံၤ, ဒီးသုဟီၣ်ခိၣ်ကဃ့ထီကဲာ်ဆိးလၢတၢ် မုၢ်တၢ်ဘိတဖၣ်ကမဲထီၣ်အဂီၢ်န့ၣ်လီၤ. အန့ၣ်တစု, ကီၢ်န့ၣ်မ့မ့ၢ်ဒၣ်လဲာ်ကီၢ်အဂ့ၤတဘ့ၣ်လၢ အဝဲဟ့ၣ်လီၤသုဘၣ်ဆၣ်, တယံာ်ဘၣ်ဒီးသုကသံကွံာ်ဖဲန့ၣ်လီၤ.

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.

လံာ်လီၣ်ဖျါ 11:6

အဝဲသ့ၣ်အိၣ်ဒီးတၢ်စိတၢ်ကမီၤလၢအကကးတံာ်ဃာ်မူခိၣ်ဒ်သိး, ဖဲဆၢကတီၢ်လၢအဝဲသ့ၣ်ကတိၤတၢ်လၢဝံအကျိာ်န့ၣ်မူခိၣ် အသုတစူၤနီတစဲးတဂ့ၤန့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢထံမူအဖီခိၣ်လၢ အကလဲလိာ်အီၤဆူတၢ်သွံၣ်အဂီၢ်န့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢအကတီၢ် ဟီၣ်ခိၣ်လၢတၢ်သံသတြိာ်အကလုာ်ကလုာ်အဘျီတဖၣ် အဘျီဖဲအဝဲသ့ၣ်အသးဒၣ်ဝဲအသိးန့ၣ်လီၤ.