လံာ်စီၤပၤအခီၣ်ထံးတဘ့ၣ် 8:34 - Sgaw Karen Common Bible

³⁴ ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:34 Iomraidhean Croise

လံာ်တၢ်ကဲထီၣ်အခီၣ်ထံး 13:15

ယကဟ့ၣ်လီၤနၤဒီးနစၢၤနသွဲၣ်တဖၣ်လၢကယဲၢ်ကီၢ်လၢနထံၣ်ဘၣ်အီၤ ဒီးကမ့ၢ်နတၢ်လီၤစိၤလီၤထီန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:30

ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:33

တုၤနပှၤဂီၢ်မုၢ်အံၣ်စရ့လးဘၣ်တၢ်မၤနၢၤအီၤလၢအဝဲသ့ၣ်အဒုၣ် အဒါတဖၣ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးထီဒါနၤအဃိဒီး, တုၤအဃၣ်က့ၤအသးဆူနအိၣ်ဒီးဟဲက့ၤဆူ ယွၤအတၢ်လုၢ်ဟံၣ်အံၤဒီးဘါထုကဖၣ်ဆူနၤလၢတၢ်ဆီၣ်လီၤသး အပူၤလၢတၢ်ပျၢ်တၢ်ကမၣ်အဂီၢ်န့ၣ်,

လံာ်စီၤပၤအခီၣ်ထံးတဘ့ၣ် 8:35

ဖဲနတြီဃာ်တၢ်ဟဲစူၤ, မ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါနၤအဃိ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးကွၢ်ဃီၤယွၤအတၢ်လုၢ် ဟံၣ်အံၤ, ဒီးဃ့ဘါထုကဖၣ်ဆူနအိၣ်လၢတၢ်ဆီၣ်လီၤသးအပူၤန့ၣ်,

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

စံးထီၣ်ပတြၢၤ 106:47

ယွၤပကစၢ်ဧၢယွၤ, အုၣ်က့ၤခီၣ်က့ၤပှၤတက့ၢ်. ကိးက့ၤပှၤလၢ ပှၤကလုာ်တဖၣ်အကျါ ဒ်သိးပကစံးဘျုးစံးဖှိၣ်နၤ ဒီးစံးထီၣ်ပတြၢၤနမံၤစီဆှံန့ၣ်တက့ၢ်.

စံးထီၣ်ပတြၢၤ 85:2

နပျၢ်တ့ၢ်နပှၤဂီၢ်မုၢ်တဖၣ်အတၢ်ဒဲးဘး ဒီးနပျၢ်ကွံာ်အဝဲသ့ၣ်အတၢ်ကမၣ်ခဲလၢာ်န့ၣ်လီၤ. စ့လၤ

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယံးရမံယၤ 31:27

ယၤ, ယွၤအံၤ, ယစံးလၢ တၢ်ဆၢကတီၢ် ဟဲလံဝဲဖဲ ယကမၤပှဲၤ ကီၢ်အံၣ်စရ့လးဒီး ကီၢ်ယူဒၤ, လၢပှၤဂီၢ် မုၢ်ဒီး ဆၣ်ဖိကီၢ်ဖိတဖၣ်န့ၣ်လီၤ.

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်သိၣ်လီၤသီလီၤတၢ် 30:1

ခဲအံၤယဟ့ၣ်လီၤသုတၢ်ဃုထၢတမံၤလၢတၢ်ဆိၣ်ဂ့ၤတမံၤဒီးတၢ် ဆိၣ်အၢတမံၤအဘၢၣ်စၢၤန့ၣ်လီၤ. တုၤကယဲၢ်တၢ်ခဲလၢာ်အံၤမၤအသးဒီးသု, ဒီးသုအိၣ်သုဆိးလၢပှၤကလုာ်တဖၣ်အကျါ, ဖဲယွၤ, သုကစၢ်ယွၤမၤလီၤပြံ လီၤပြါတ့ၢ်သုန့ၣ်, သုကသ့ၣ်နီၣ်ထီၣ်က့ၤတၢ်ဃုထၢလၢယဟ့ၣ်လီၤ တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 30:4

သုမ့ၢ်လီၤပြံလီၤပြါလၢဟီၣ်ခိၣ်အသနၢၣ်အယံၤကတၢၢ်တဖၣ်ဒၣ်လဲာ် န့ၣ်, ယွၤ, သုကစၢ်ယွၤကပာ်ဖှိၣ်က့ၤသုတပူၤဃီဒီးဟဲ က့ၤစိာ်ကဒါက့ၤသု,

လံာ်စီၤယိၤၡူ 21:43

သတးဒီးယွၤဟ့ၣ်လီၤပှၤအံၣ်စရ့လးဖိလၢထံကီၢ်ခဲလၢာ်ဒ်အအၢၣ် လီၤတ့ၢ်ဝဲလၢအကဟ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဖဲအဝဲသ့ၣ်မၤန့ၢ်ထံကီၢ်ခဲလၢာ်လံဒီးအဝဲသ့ၣ်အိၣ်ဝဲ ဆိးဝဲဖဲန့ၣ်န့ၣ်လီၤ.