လံာ်စီၤပၤအခီၣ်ထံးတဘ့ၣ် 8:33 - Sgaw Karen Common Bible

³³ တုၤနပှၤဂီၢ်မုၢ်အံၣ်စရ့လးဘၣ်တၢ်မၤနၢၤအီၤလၢအဝဲသ့ၣ်အဒုၣ် အဒါတဖၣ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးထီဒါနၤအဃိဒီး, တုၤအဃၣ်က့ၤအသးဆူနအိၣ်ဒီးဟဲက့ၤဆူ ယွၤအတၢ်လုၢ်ဟံၣ်အံၤဒီးဘါထုကဖၣ်ဆူနၤလၢတၢ်ဆီၣ်လီၤသး အပူၤလၢတၢ်ပျၢ်တၢ်ကမၣ်အဂီၢ်န့ၣ်,

လံာ်စီၤပၤအခီၣ်ထံးတဘ့ၣ် 8:33 Iomraidhean Croise

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:47

ဒိကနၣ်လၢ်နပှၤဂီၢ်မုၢ်အတၢ်ထုကဖၣ်တဖၣ်န့ၣ်တက့ၢ်. လၢထံကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးဒီးဘါ ထုကဖၣ်ဆူနအိၣ်, ဒီးအၢၣ်လီၤဝဲလၢအမၤတ့ၢ်တၢ်ဒဲးဘးဒီးမၤတ့ၢ်တၢ်အၢတၢ်သီ ထဲလဲၣ်ထဲလဲၣ်န့ၣ်ဒီး, ယွၤဧၢ, ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:48

လၢကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ်နီၢ် လၢတၢ်သူၣ်တီသးလိၤအပူၤဒီးဘါထုကဖၣ်ဆူနအိၣ်ဖဲ အဃၣ်ဃီၤအမဲာ်ဆူထံကီၢ်လၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်အံၤ, ဒီးဝ့ၢ်လၢနဃုထၢတ့ၢ်နဲအံၤ, ဒီးယွၤအတၢ်လုၢ်ဟံၣ်လၢယသူၣ်ထီၣ်လၢနဂီၢ်အံၤန့ၣ်ဒီး,

စံးထီၣ်ပတြၢၤ 44:10

နဒုးဃ့ၢ်ကွံာ်ပှၤလၢပဒုၣ်ပဒါသ့ၣ်တဖၣ်အမဲာ်ညါ ဒီးတၢ်လၢအမ့ၢ်ပတၢ်သ့ၣ်တဖၣ်န့ၣ် အဝဲသ့ၣ်ဟံးန့ၢ်ကွံာ်လၢအဂီၢ်န့ၣ်လီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

လံာ်စီၤယိၤၡူ 7:8

ကစၢ်ဧၢ, အခဲအံၤမ့ၢ်လၢအံၣ်စရ့လးဂုၤက့ၤဆူအလီၢ်ခံလၢအဒူၣ် အဒါအမဲာ်ညါလံအဃိဒီး, ယစံးမနုၤကသ့လဲၣ်.