လံာ်စီၤပၤအခီၣ်ထံးတဘ့ၣ် 8:30 - Sgaw Karen Common Bible

³⁰ ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:30 Iomraidhean Croise

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

လံာ်စီၤပၤအခီၣ်ထံးတဘ့ၣ် 8:39

ဒိကနၣ်လၢ်အဝဲသ့ၣ်အတၢ်ထုကဖၣ်န့ၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်, ပျၢ်လၢ်အဝဲသ့ၣ်အတၢ်ကမၣ်, ဒီးမၤစၢၤလၢ်အဝဲသ့ၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ်န့ၣ် လီၤ. မၤဘၣ်ပှၤတဂၤဘၣ်တဂၤဒ်ကြၢးဝဲဘၣ်ဝဲဒီးအီၤအသိး,

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:49

ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်. လၢနဟံၣ်လၢမူခိၣ်အပူၤန့ၣ်ဒိကနၣ်လၢ်အဝဲသ့ၣ်ဒီးသူၣ်ကညီၤသး ကညီၤလၢ်အဝဲသ့ၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:21

ဒိကနၣ်ယတၢ်ထုကဖၣ်တဖၣ်ဒီးနပှၤဂီၢ်မုၢ်အံၣ်စရ့လးအတၢ်ထု ကဖၣ်တဖၣ်ဖဲအဝဲသ့ၣ်ဃၣ်ဃီၤအမဲာ်ဆူတၢ်လီၢ်အံၤဒီးဃ့ဘါထု ကဖၣ်ဝဲန့ၣ်တက့ၢ်. ဒိကနၣ်လၢ်ပှၤလၢနဟံၣ်လၢမူခိၣ်န့ၣ်ဒီးပျၢ်လၢ်ပတၢ် ကမၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 7:14

အဝဲသ့ၣ်မ့ၢ်ဘါထုကဖၣ်တၢ်ဆူယအိၣ်ဒီးပီၢ်ယၢ်လီၤက့ၤအသးဒီး ဃၣ်က့ၤအသးလၢတၢ်မၤအအၢတဖၣ်လၢအမၤတ့ၢ်ဝဲန့ၣ်ဒီး, အန့ၣ်တစု, ယကဒိကနၣ်အီၤလၢမူခိၣ်ဒီးပျၢ်ကွံာ်အဝဲသ့ၣ်အတၢ် ဒဲးဘးတဖၣ်, ဒီးဒုးဘီၣ်ထီၣ်ညီထီၣ်အထံဧိၤကီၢ်ဧိၤတဘျီ ကဒီးန့ၣ်လီၤ.

စံးထီၣ်ပတြၢၤ 123:1

ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ.

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 85:2

နပျၢ်တ့ၢ်နပှၤဂီၢ်မုၢ်တဖၣ်အတၢ်ဒဲးဘး ဒီးနပျၢ်ကွံာ်အဝဲသ့ၣ်အတၢ်ကမၣ်ခဲလၢာ်န့ၣ်လီၤ. စ့လၤ

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.